വയനാട് : കാലാവസ്ഥ നിരീക്ഷണത്തിനായി വടക്കന് കേരളത്തില് ഒരു റഡാര് സ്ഥാപിക്കുക എന്ന സംസ്ഥാനത്തിന്റെ ആവശ്യം നടപ്പാവുന്നു. ബാംഗ്ലൂര് ഭാരത് ഇലക്ട്രോണിക്സ് ലിമിറ്റഡില് തയാറാക്കിയ ഡോപ്ളര് വെതര് റഡാര് പുല്പ്പള്ളി പഴശ്ശിരാജ കോളേജില് സ്ഥാപിക്കുന്നതിനുള്ള പ്രവര്ത്തനം കേന്ദ്ര കാലാവസ്ഥാ വകുപ്പ് ആരംഭിക്കും. 100 കി.മി വിസ്തൃതിയില് കാലാവസ്ഥാ നിരീക്ഷണം നടത്താവുന്ന X ബാന്ഡ് റഡാര് ആണ് സ്ഥാപിക്കുന്നത്. തമിഴ്നാട്, കര്ണാടക സംസ്ഥാനങ്ങള്ക്കും റഡാറിന്റെ പ്രയോജനം ലഭിക്കും. മഴമേഘങ്ങളുടെ സവിശേഷ സ്വഭാവം പഠിക്കാനുള്ള സംവിധാനമാണ് ഡോപ്ളര് വെതര് റഡാര്. റഡാര് സ്ഥാപിക്കുന്നതിനുള്ള ധാരണാപത്രം മുഖ്യമന്ത്രി പിണറായി വിജയന്റെ സാന്നിധ്യത്തില് ബത്തേരി രൂപത വികാരി ജനറല് ഫാദര് സെബാസ്റ്റ്യന് കീപ്പള്ളി, തിരുവനന്തപുരം കാലാവസ്ഥാ കേന്ദ്രം മേധാവി ഡോ. നീതാ ഗോപാല്, സംസ്ഥാന ദുരന്ത നിവാരണ അതോറിറ്റി മെംബര് സെക്രട്ടറി ഡോ. ശേഖര് എല്. കുര്യാക്കോസ് എന്നിവര് ഒപ്പുവച്ചു.
കേന്ദ്ര കാലാവസ്ഥാ വകുപ്പ് പുല്പ്പള്ളിയില് ഡോപ്ളര് വെതര് റഡാര് സ്ഥാപിക്കുന്നു, മൂന്നു സംസ്ഥാനങ്ങള്ക്ക് പ്രയോജനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.