‘ശരിയാണ്, ഡി.എം.കെയെ തോല്‍പ്പിക്കാന്‍ എനിക്ക് കഴിയില്ല…’.സ്റ്റാലിന്‌റെ പരാമര്‍ശത്തോടു പ്രതികരിച്ച് ആഭ്യന്തര മന്ത്രി അമിത്ഷാ

മധുര: സ്റ്റാലിന്റെ നേതൃത്വത്തിലുള്ള ഡി.എം.കെയെ പരാജയപ്പെടുത്താന്‍ തനിക്ക് കഴിയില്ലെന്ന് തമിഴ്നാട് മുഖ്യമന്ത്രി പറഞ്ഞത് ശരിയാണെന്ന് കേന്ദ്ര ആഭ്യന്തര മന്ത്രി അമിത് ഷാ, എന്നാല്‍ അടുത്ത വര്‍ഷം നടക്കുന്ന നിയമസഭാ തെരഞ്ഞെടുപ്പില്‍ ഡിഎംകെയുടെ പരാജയം ഉറപ്പുവരുത്തുന്നത് തമിഴ്നാട്ടിലെ ജനങ്ങളായിരിക്കുമെന്ന് അദ്‌ദേഹം പറഞ്ഞു. മധുരയില്‍ നടന്ന റാലിയിലാണ് അമിത്ഷാ ഇക്കാര്യം പറഞ്ഞത്. ‘ബിജെപി-എഐഎഡിഎംകെ സഖ്യത്തെ തമിഴ്നാട് വീണ്ടും തിരഞ്ഞെടുക്കും. ഞാന്‍ ഡല്‍ഹിയിലാണ് താമസിക്കുന്നതെങ്കിലും എന്റെ ചെവി എപ്പോഴും തമിഴ്നാട്ടിലാണ്. അമിത് ഷായ്‌ക്ക് ഡിഎംകെയെ പരാജയപ്പെടുത്താന്‍ കഴിയില്ലെന്ന് മുഖ്യമന്ത്രി പറയുന്നു. അദ്ദേഹം പറഞ്ഞത് ശരിയാണ്… എന്തെന്നാല്‍ ഞാനല്ല, തമിഴ്നാട്ടിലെ ജനങ്ങളാണ് സ്റ്റാലിന്‌റെ പാര്‍ട്ടിയെ പരാജയപ്പെടുത്തുക’ അമിത് ഷാ വിശദീകരിച്ചു.
ഇന്ത്യയിലെ ഏറ്റവും മഹത്തായ ഭാഷകളിലൊന്നായ തമിഴില്‍ സംസാരിക്കാന്‍ കഴിയാത്തതില്‍ തമിഴ്നാട്ടിലെ ബിജെപി പ്രവര്‍ത്തകരോട് ക്ഷമ ചോദിക്കുന്നുവെന്ന് അദ്ദേഹം പറഞ്ഞു.
സന്ദര്‍ശനത്തിനിടെ മധുര മീനാക്ഷി ക്ഷേത്രത്തില്‍ അമിത് ഷാ ദര്‍ശനം നടത്തി.