ടാറ്റയ്‌ക്ക് പിന്തുണ നല്‍കുന്ന പുതിയ ഹാഷ്ടാഗ് ‘സപ്പോര്‍ട്ട് ടാറ്റ’ സോഷ്യല്‍മീഡിയയില്‍ ഹിറ്റ്

തിരുവനന്തപുരം: ടാറ്റയ്‌ക്ക് പിന്തുണ നല്‍കി കേരളത്തിലെ ആയിരങ്ങള്‍. ‘സപ്പോര്‍ട്ട് ടാറ്റ’ എന്ന ഹാഷ്ടാഗിലാണ് ഇവര്‍ ടാറ്റയ്‌ക്ക് സമൂഹമാധ്യമങ്ങളില്‍ പിന്തുണ നല്‍കിയത്. ഇസ്രയേലുമായി സാങ്കേതിക സഹകരണം നടത്തുന്നു എന്ന ആരോപണത്തില്‍ ടാറ്റയുടെ () സ്ഥാപനമായ സൂഡിയോ ഉള്‍പ്പെടെയുള്ള ബ്രാന്‍ഡുകള്‍ക്ക് എതിരെ ബഹിഷ്‌കരണ ക്യാംപയിന് ആഹ്വാനം ചെയ്ത ജമാഅത്തെ ഇസ്ലാമിയുടെ വിദ്യാർത്ഥി സംഘടനയായ എസ്‌ഐഒയ്‌ക്ക് മറുപടിയായാണ് സപ്പോര്‍ട്ട് ടാറ്റ ട്രെൻഡിംഗ് ആവുന്നത്.

ടാറ്റയുടെ സൂഡിയോ എന്ന വസ്ത്രമുള്‍പ്പെടെയുള്ള ഫാഷന്‍ ഉല്‍പന്നങ്ങള്‍ വില്‍ക്കുന്ന ഷോറൂം ബഹിഷ്കരിക്കണമെന്ന ജമാ അത്തെ ഇസ്ലാമിയുടെ വിദ്യാര്‍ത്ഥി സംഘടനയായ എസ് ഐഒയുടെ ആഹ്വാനം തള്ളിക്കളയുകയാണ് ആയിരങ്ങള്‍. അവര്‍ സൂഡിയോയിൽ ഷോപ്പിങ് നടത്തിയ ശേഷം സാധനങ്ങള്‍ വാങ്ങിയതിന്റെ ബിൽ സോഷ്യൽമീഡിയയിൽ പോസ്റ്റ് ചെയ്തായിരുന്നു ടാറ്റ സൂഡിയോയ്‌ക്ക് പിന്തുണ പ്രഖ്യാപിച്ചത്.

വര്‍ഗീയതയില്‍ നിന്നും കുരുട്ടു ബുദ്ധിയില്‍ നിന്നും ഉണ്ടാകുന്നത് ആണ് ഈ ബഹിഷ്കരണാഹ്വാനം

“നമ്മള്‍ ഒരു മള്‍ട്ടി കള്‍ച്ചര്‍ സൊസൈറ്റി ആണ് , മിക്കവരും പരസ്പരം ആശ്രയിച്ച് ജീവിക്കുന്നവര്‍. അവിടെ ഈമാതിരി വിഘടന വാദവും, വര്‍ഗീയതയും ഇറക്കിയാല്‍ , ഇറക്കുന്നവന്റെ ചീട്ട് കീറും എന്നതാണ് വാസ്തവം. കാരണം ഇവരുടെ ബഹിഷ്‌കരണ തീരുമാനങ്ങള്‍ ഭൂരിഭാഗവും, അവരുടെ ഇന്‍സെക്യൂരിറ്റിയില്‍ നിന്നും വര്‍ഗീയതയില്‍ നിന്നും കുരുട്ടു ബുദ്ധിയില്‍ നിന്നും ഉണ്ടാകുന്നത് ആണ്. ഇതിനെതിരെ മുസ്ലിം സമൂഹം തന്നെ മുന്നോട്ടു വരണം എന്നാണ് ഞാന്‍ പറയുന്നത്”- ബില്ലിനൊപ്പം ഒരാള്‍ പങ്കുവെച്ച പോസ്റ്റാണിത്.

സൂഡിയോയില്‍ നിന്നും ചെരിപ്പ് വാങ്ങി എ.പി. അബ്ദുള്ളക്കുട്ടി

എല്ലാവർക്കും ബലിപെരുന്നാൾ ആശംസകൾ
പെരുന്നാളിന് ഷോപ്പിംഗ് നടത്തുന്ന ഒരാൾ അല്ല ഞാൻ.

കാരണം ഖാദി ഷർട്ടും മുണ്ടും ഓണത്തിനും ക്രിസ്മസിനും റിബേറ്റ് ഉള്ളപ്പോഴാണ് വാങ്ങാറുള്ളത്.

ഇക്കുറി TATA സുഡിയോയിൽചെന്ന് ഒരു ചെരുപ്പ് വാങ്ങിച്ചു.
299 രൂപയ്‌ക്ക് അടിപൊളി ചെരുപ്പ്
ഞാൻ മുമ്പേ ടാറ്റയുടെ… pic.twitter.com/QxaK8XFGaB

— A.P Abdullakutty (@a_abdullakutty) June 7, 2025

സൂഡിയോ ബഹിഷ്കരണാഹ്വാനത്തിനെതിരെ ബിജെപി ദേശീയ വൈസ് പ്രസിഡന്‍റായ എ.പി. അബ്ദുള്ളക്കുട്ടി ടാറ്റ സൂഡിയോയില്‍ പോയി 290 രൂപ നല്‍കി ചെരിപ്പ് വാങ്ങിയിരുന്നു. ഇത് അദ്ദേഹം സമൂഹമാധ്യമത്തില്‍ പങ്കുവെയ്‌ക്കുകയും ചെയ്തിരുന്നു.

“ഇക്കുറി TATA സുഡിയോയിൽചെന്ന് ഒരു ചെരുപ്പ് വാങ്ങിച്ചു. 299 രൂപയ്‌ക്ക് അടിപൊളി ചെരുപ്പ് ഞാൻ മുമ്പേ ടാറ്റയുടെ കാറാണ് ഉപയോഗിക്കുന്നത് തുടക്കത്തിൽ ഇൻഡിഗോ പിന്നീട് ഇപ്പോൾ ഹാരിയർ മകന് ആക്സിസ് ബാങ്കിൽ ജോലി കിട്ടിയപ്പോൾ വാങ്ങിയത് TATA യുടെ കർവ് .. ജമാഅത്ത് ഇസ്ലാമിയുടെ തീവ്രവാദ ആശയങ്ങളുടെ സ്കൂളാണ് എസ്. ഐ .ഒ . അവരുടെ ടാറ്റാ ഉൽപ്പന്നങ്ങൾ Zudio ബഹിഷ്കരിക്കണം എന്ന രാജ്യവിരുദ്ധ ആശയത്തോടുളള പ്രതിഷേധമാണ് ഈ പോസ്റ്റ്”-ഇതായിരുന്നു അബ്ദുള്ളക്കുട്ടിയുടെ ആഹ്വാനം.

സൂഡിയോയ്‌ക്ക് നല്ല കാലം തുടങ്ങി

“ഞാന്‍ രണ്ടാഴ്ച മുമ്പ് നാട്ടില്‍ ഉണ്ടായിരുന്നു , ഡ്രസ്സ് ഒന്നും കാര്യമായിട്ട് കൊണ്ടുവരാത്തത് കൊണ്ട് പുതിയ രണ്ടുമൂന്നു ജോഡി വാങ്ങിക്കാം എന്ന് കരുതി നേരെ കയറിയത് സുഡിയോയില്‍ …ടോപ് ഫാഷന്‍, വിലക്കുറവ്, നല്ല സെലക്ഷന്‍. ഇതൊക്കെയാണ് സുഡിയോ നല്‍കുന്ന ഓഫര്‍. എന്തായാലും സുഡാപ്പികള്‍ ഇത് ബഹിഷ്‌കരിക്കാന്‍ തീരുമാനിച്ചിരിക്കുന്നു.. ഇതോടെ ഇവരുടെ നല്ലകാലം തുടങ്ങി.”- മറ്റൊരാളുടെ സന്ദേശം പറയുന്നു.

പെരുന്നാൾ ഉൾപ്പെടെയുള്ള ആഘോഷങ്ങളുടെ പശ്ചാത്തത്തിൽ പുതു വസ്ത്രങ്ങളെടുക്കുമ്പോൾ സാറ, ടാറ്റ, സൂഡിയോ തുടങ്ങിയ ആഗോള ബ്രാന്‍റുകളെ ഒഴിവാക്കാനാണ് സ്റ്റുഡൻസ് ഇസ്ലാമിക് ഓർഗനൈസേഷന്റെ ആഹ്വാനം. ഇസ്രയേൽ സഹകരണം ചൂണ്ടിക്കാട്ടി കോഴിക്കോടുള്ള സൂഡിയോ ഔട്ട്‌ലറ്റിലേക്ക് എസ്‌ഐഒ കഴിഞ്ഞ ദിവസം ബഹിഷ്‌കരണ മാർച്ചും സംഘടിപ്പിച്ചിരുന്നു