പത്തനംതിട്ട: ചെന്നിര്‍ക്കര പ്രക്കാനത്ത് മാലിന്യം തള്ളാന്‍ ശ്രമിച്ച ലോറി ഉള്‍പ്പെടെ നാട്ടുകാര്‍ തടഞ്ഞു. പമ്പാനദിയില്‍ നിന്ന് ശേഖരിച്ച ശബരിമല തീര്‍ഥാടകരുടെ വസ്ത്രങ്ങളാണ് ഉപേക്ഷിക്കാന്‍ ശ്രമിച്ചത്. വസ്ത്രങ്ങള്‍ ശേഖരിക്കാന്‍ കരാര്‍ എടുത്ത കമ്പനിയുടെ ആളുകളാണ് ഇവ പ്രദേശത്ത് തള്ളാന്‍ ശ്രമിച്ചതെന്ന് സംശയം.
മാലിന്യങ്ങള്‍ തിരികെ കൊണ്ടുപോകണമെന്ന് നാട്ടുകാര്‍ ആവശ്യപ്പെട്ടു. വാര്‍ഡ് മെമ്പര്‍ ഉള്‍പ്പെടെയുള്ളവര്‍ സ്ഥലത്തെത്തി. കരാറുകമ്പനിയുമായി ബന്ധപ്പെട്ട ആളുകളാണെന്നാണ് തൊഴിലാളികള്‍ നാട്ടുകാരോട് പറഞ്ഞത്. എന്നാല്‍ ഇക്കാര്യം സ്ഥിരീകരിച്ചിട്ടില്ല.
തമിഴ്‌നാട്ടിലേക്ക് കയറ്റിയക്കാനുള്ളതാണ്. നാളെ തന്നെ വസ്ത്രങ്ങള്‍ മാറ്റുമെന്നായിരുന്നു ലോറിയിലെ തൊഴിലാളികള്‍ നാട്ടുകാരോട് പറഞ്ഞത്. നാട്ടുകാര്‍ പ്രതിഷേധവുമായി എത്തിയപ്പോള്‍ വഴിയരികില്‍ നിക്ഷേപിച്ച മാലിന്യം തിരികെ ലോറിയിലേക്ക് തൊഴിലാളികള്‍ കയറ്റി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: