തിരുവനന്തപുരം : ഏത് ഭാരതാംബയെന്ന ചോദ്യവുമായി സിപിഎം സംസ്ഥാന സെക്രട്ടറി എംവി ഗോവിന്ദൻ . രാജ്ഭവന് ഓഡിറ്റോറിയത്തിലുള്ള ഭാരതമാതാവിന്റെ ചിത്രം വിവാദമായതിന്റെ പശ്ചാത്തലത്തിലാണ് എം വി ഗോവിന്ദന്റെ പരിഹാസ്യകരമായ ചോദ്യം.
ഏത് ഭാരതാംബയെന്ന് ചോദിച്ച എംവി ഗോവിന്ദൻ ഭാരതാംബ എന്ന് പറയുന്ന ഒരു ഔദ്യോഗിക ചിഹ്നമോ ഔദ്യോഗിക രൂപമോ ഇല്ലെന്നും കൂട്ടിചേർത്തു. ആർഎസ്എസിന്റെ അജണ്ട അടിസ്ഥാനപ്പെടുത്തി തയ്യാറാക്കുന്ന ഫോട്ടോയാണിതെന്നാണ് എംവി ഗോവിന്ദന്റെ ആരോപണം. സർക്കാർ സംവിധാനത്തിന്റെ ഭാഗമായി അത് ഉപയോഗിക്കണമെന്ന് വാശിപിടിക്കേണ്ട ഒരു കാര്യവുമില്ല. മന്ത്രിയുടെ നിലപാടാണ് ശരി. അദ്ദേഹത്തെ അഭിനന്ദിക്കുന്നു. അന്തസുറ്റ നിലപാടാണ് മന്ത്രി സ്വീകരിച്ചതെന്നുമാണ് സിപിഎം നേതാവിന്റെ വാദം.എം വി ഗോവിന്ദനെതിരെ രൂക്ഷമായ വിമർശനങ്ങളും ഉയരുന്നുണ്ട്.
