ന്യൂഡൽഹി ; പഹൽഗാമിൽ പാക്കിസ്ഥാൻ പിന്തുണയോടെ ഭീകരർ നടത്തിയ ആക്രമണത്തിന് തക്ക തിരിച്ചടി നൽകിയ സൈനിക ദൗത്യമായ ഓപ്പറേഷൻ സിന്ദൂറിന് ആദരമർപ്പിച്ച് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ). ഐപിഎൽ ഫൈനൽ നടക്കുന്ന അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് ഓപ്പറേഷൻ സിന്ദൂറിന് ബിസിസിഐ പ്രത്യേക ആദർമർപ്പിച്ചത് .
സമാപന ചടങ്ങിൽ ഗായകൻ ശങ്കർ മഹാദേവനും മക്കളായ സിദ്ധാർത്ഥും ശിവം മഹാദേവനും ദേശഭക്തി ഗാനങ്ങൾ ആലപിച്ച് ആരാധകരെ ആവേശഭരിതരാക്കി. ഇന്ത്യൻ സായുധ സേനയുടെ ഒരു ചെറിയ വീഡിയോ വലിയ സ്‌ക്രീനിൽ പ്രദർശിപ്പിച്ചു. കഴിഞ്ഞ കുറച്ച് ആഴ്ചകളായി സായുധ സേനയ്‌ക്ക് ടീമുകൾ നൽകിയ ആദരവും ഇതിൽ പ്രദർശിപ്പിച്ചു.ഏ വതൻ, കാന്തോ സേ മിൽതേ ഹേ കാന്തേ, വന്ദേമാതരം തുടങ്ങിയ നിരവധി ജനപ്രിയ ദേശഭക്തി ഗാനങ്ങളിലൂടെ ശങ്കർ മഹാദേവൻ സായുധ സേനയ്‌ക്ക് ആദരാഞ്ജലി അർപ്പിച്ചു
പ്രതികരിക്കാൻ ഇവിടെ എഴുതുക: