വാസ്തുശാസ്ത്രവിധിയിൽ ഗൃഹലക്ഷ്മിയായ പ്രധാനവാതിൽ ഐശ്വര്യലക്ഷ്മിയായി സൗഭാഗ്യങ്ങൾ നൽകുന്നതാണ്. പൂമുഖവാതിൽ ഐശ്വര്യമുള്ളതിനാൽ മറ്റുള്ളവയിൽ നിന്നും പ്രാധാന്യം നൽകണം. ജാതകവാതിലായ പൂമുഖവാതിൽ വരാന്ത, കോലായി, പൂമുഖം എന്നൊക്കെ പഴമക്കാര്‍ വിളിച്ചുവന്നിരുന്നു.
പ്രധാന വാതിലിനു മുൻപിൽ ചെടികൾ പാടില്ല. പോസ്റ്റുകൾ പാടില്ല. ഭംഗിക്കുവയ്‌ക്കുന്ന ബീമുകൾ, സ്തംഭങ്ങൾ ഇവ ഒഴിവാക്കണം. കുളിമുറി ഫേസ് ചെയ്ത് പൂമുഖവാതിൽ വരരുത്, അങ്ങനെ വന്നാൽ ടോയ്‌ലറ്റിന്റെ വാതിൽ സ്ഥാനം മാറ്റി വയ്‌ക്കേണ്ടതാണ്. ഇടുങ്ങിയ കോറിഡോറുള്ളവർ വിദൂരതയെ കാണിക്കുന്ന പെയിന്റിങ്ങുകൾ പൂമുഖവാതിലിനു നേരെ വയ്‌ക്കണം. പൂമുഖവാതിലിനു നേരെ ഷൂറാക്കോ പാദരക്ഷകളോ ഇടാൻ പാടില്ല. പൂമുഖവാതിലിനു മുൻഭാഗം ശ്വസനകേന്ദ്രമാണ്. ഇവിടെ വൃത്തിയായി പരിപാലിക്കണം.
പ്രധാനവാതിലിനു നേർക്ക് പൂജാമുറി വരരുത്. വാതിലിനു ഓപ്പോസിറ്റായി തിളങ്ങുന്ന യാതൊരു വസ്തുവും പാടില്ല. പൂമുഖവാതില്‍ കയറിവരുമ്പോൾ കാണത്തക്കവിധം ക്ലോക്കോ കലണ്ടറോ തൂക്കിയിടരുത്. വരാന്തയിൽനിന്നു അകത്തു പ്രവേശിക്കുമ്പോൾ ഇടതുവശത്ത് ഗ്ലാസ് അക്വേറിയം, ജലാശയം, ജലം നിറച്ച ഭരണികൾ, സമുദ്രപുറ്റുകൾ, മുത്തുകൾ മുതലായവയോ സമുദ്രവുമായി ബന്ധപ്പെട്ട ചിത്രങ്ങളോ മുകളിൽ പറഞ്ഞവയുമായി ബന്ധപ്പെട്ട ചിത്രങ്ങളോ ഒന്നുംതന്നെ വരാതിരിക്കാൻ ശ്രദ്ധിക്കണം.
പൂമുഖവാതിലിനു നേർക്ക് സ്റ്റെയർകെയ്സ് നിർമിച്ചു കാണുന്നുണ്ട്. ഇങ്ങനെയുള്ള വീടുകളിൽ താമസിക്കുന്നവർ പലവിധ രോഗപീഡകളും കേസുവഴക്കുകളും സാമ്പത്തിക പ്രശ്നങ്ങളിലും പെട്ട് നട്ടം തിരിയുന്നത് സർവ്വസാധാരണമായി കണ്ടുവരുന്നു. ഇതിൽനിന്നും മുക്തി നേടുവാൻ ഏതെങ്കിലും ഇൻഡോർ പ്ലാന്റ് സ്റ്റെയറിനും ഡോറിനുമിടയിൽ വയ്‌ക്കണം.
പ്ലാവ്, ഈട്ടി, തേക്ക്, ആഞ്ഞിലി എന്നിവയാണ് ഉപയോഗിക്കേണ്ട മരങ്ങൾ. ലോഹങ്ങൾ കൊണ്ടുള്ളവ പാടില്ല. ഒരേ ഉണക്കും ഘനവുമുള്ളതായിരിക്കണം. ഒരുതരം മരം മാത്രമേ ഉപയോഗിക്കാവൂ. വ്യത്യസ്ത മരങ്ങൾ ഉപയോഗിക്കരുത്. പഴകിയ ഗൃഹത്തിന്റെ തടികൾ ഉപയോഗിക്കരുത്. വാതിൽ ചുവരിൽ വച്ചു തുടങ്ങുന്നതിനുമുൻപ് ചിതൽ വരാതിരിക്കാൻ കടുകെണ്ണയും മഞ്ഞളും ഉപ്പും ചേർത്ത് കോട്ടൺ തുണിയിലോ ബ്രഷിനാലോ തേച്ചു പിടിപ്പിച്ച് ഉണക്കണം.കട്ടിള ഉറപ്പിച്ചശേഷം വീട്ടിനുള്ളിലേക്ക് പോസിറ്റീവ് എനർജി കടത്തിവിടാൻ സഹായകമായ ചില രത്നങ്ങൾ കട്ടിളപ്പടിയുടെ അടിയിലോ വശങ്ങളിലോ സ്ഥാപിക്കണം.
പ്രതികരിക്കാൻ ഇവിടെ എഴുതുക: