കോട്ടയം: മഴ ശക്തമായത് മൂലം മാറ്റിവെച്ച മഹാത്മാഗാന്ധി സര്വകലാശാലയുടെ പരീക്ഷകള് ജൂണ് 4 മുതല് നടത്തും. മേയ് 30 മുതല് മാറ്റിവെച്ച പരീക്ഷകളാണ് വീണ്ടും നടത്തുന്നത്.
വ്യാപക മഴയെ തുടര്ന്ന് സംസ്ഥാനത്തെ പല ജില്ലകളിലും ജാഗ്രത പ്രഖ്യാപിച്ചിരുന്നു. ഇതേതുടര്ന്ന് വിവിധ ഇടങ്ങളില് സ്കൂളുകള്ക്കും ജില്ലാ ഭരണകൂടം അവധി നല്കിയിരുന്നു.
അതേസമയം, അടുത്ത അഞ്ച് ദിവസം എല്ലാ ജില്ലകളിലും ഒറ്റപ്പെട്ട മഴക്ക് സാധ്യതയുണ്ട്. കേന്ദ്ര കാലാവസ്ഥാ വകുപ്പ് വിവിധ ജില്ലകളില് മഞ്ഞ ജാഗ്രത പ്രഖ്യാപിച്ചു. ഇന്ന് കണ്ണൂര്, കാസര്ഗോഡ് ജില്ലകളില് മഞ്ഞ ജാഗ്രതയാണ്.
