എറണാകുളം: നെട്ടൂരില് പെണ്കുട്ടികളെ തട്ടിക്കൊണ്ടു പോകാന് ശ്രമിച്ചതായി സംശയിക്കുന്ന യുവാവിനെ പനങ്ങാട് പൊലീസ് പിടികൂടി.മലപ്പുറം സ്വദേശി സുധീഷിനെയാണ് പൊലീസ് കസ്റ്റഡിയില് എടുത്തത്.എന്നാല് പ്രതി കുറ്റം സമ്മതിച്ചിട്ടില്ല.പാലാരിവട്ടത്ത് നിന്നാണ് പ്രതിയെ പിടികൂടിയത്.
പോക്സോ കേസ് എടുത്ത് അന്വേഷണം നടത്തി വരികയായിരുന്നു പൊലീസ്. പെപ്പര് സ്പ്രേ അടിച്ച് മോഷണം നടത്തിയത്തിന് ഇയാള്ക്കെതിരെ പാലാരിവട്ടം സ്റ്റേഷനില് കേസുണ്ട്.
നെട്ടൂരില് 10 വയസുള്ള രണ്ട് പെണ്കുട്ടികളെയാണ് തട്ടിക്കൊണ്ടുപോകാന് ശ്രമിച്ചത്. ട്യൂഷന് കഴിഞ്ഞ് വീട്ടിലേക്ക് മടങ്ങിയ കുട്ടികളെ വഴിയില് തടഞ്ഞു നിര്ത്തി തട്ടിക്കൊണ്ടു പോകാന് ശ്രമിക്കുകയായിരുന്നു.കുട്ടികള്ക്കു മുന്നില് നഗ്നതാ പ്രദര്ശനം നടത്തിയ പ്രതി മിഠായി നല്കി പ്രലോഭിപ്പിക്കാനും ശ്രമിച്ചു. ഇരുചക്ര വാഹനത്തിലാണ് അക്രമി എത്തിയതെന്ന് കുട്ടികള് പറഞ്ഞിരുന്നു.പിന്നില് ഒരു വാന് നിര്ത്തിയിരുന്നുവെന്നും കുട്ടികള് വെളിപ്പെടുത്തി.
