ധാക്ക: ബംഗ്ലാദേശില്‍ പുതിയ കറന്‍സി നോട്ടുകള്‍ പ്രാബല്യത്തില്‍ വന്നു. ഹൈന്ദവ, ബുദ്ധ ക്ഷേത്രങ്ങളുടെയും ചരിത്ര കൊട്ടാരങ്ങളുടെയും ചിത്രങ്ങള്‍ ഉള്‍പ്പെടുത്തിയുള്ളതാണ് പുതിയ കറന്‍സിയുടെ ഡിസൈന്‍. പുതിയ സീരീസിലും രൂപകല്‍പ്പനയിലുമുള്ള നോട്ടുകളില്‍ മനുഷ്യരുടെ ചിത്രങ്ങള്‍ ഉണ്ടാകില്ല. പകരം പ്രകൃതിരമണീയമായ കാഴ്ചകളും പരമ്പരാഗത ചരിത്രപ്രാധാന്യമുള്ള സ്ഥലങ്ങളും ആയിരിക്കും ഉള്‍പ്പെടുത്തുകയെന്ന് ബംഗ്ലാദേശ് ബാങ്ക് വക്താവ് ആരിഫ് ഹൊസൈന്‍ ഖാന്‍ പറഞ്ഞു.
രാഷ്‌ട്രപിതാവും മുന്‍പ്രധാനമന്ത്രിയും രാജ്യംവിട്ട മുന്‍ പ്രധാനമന്ത്രി ഷെയ്ഖ് ഹസീനയുടെ പിതാവുമായ ഷെയ്ഖ് മുജീബ് റഹ്മാന്‍ കറന്‍സി നോട്ടുകളില്‍ നിന്നും പുറത്തായി.
പ്രതികരിക്കാൻ ഇവിടെ എഴുതുക: