കൊല്ലം: കപ്പല് മുങ്ങി ശക്തികുളങ്ങര തീരത്തടിഞ്ഞ കണ്ടെയ്നറുകള് നീക്കം ചെയ്യുന്നതിനിടയില് ഒരു കണ്ടെയ്നറിന് തീ പിടിച്ച സംഭവത്തില് ആശങ്കപ്പെടേണ്ടതില്ലെന്ന് ജില്ലാ കളക്ടര്. ശക്തമായ കാറ്റില് ഗ്യാസ് വെല്ഡിംഗിനിടെ കണ്ടെയ്നറിനുള്ളിലെ ഫോമിലേക്ക് തീപ്പൊരി പടര്ന്നതാണ് തീപിടിത്തത്തിന് കാരണം.
അഗ്നിരക്ഷാസേന ഉടന് സ്ഥലത്തെത്തി നിയന്ത്രണ വിധേയമാക്കി. ആര്ക്കും പരിക്കില്ല. മറ്റ് കണ്ടെയ്നറുകളിലേക്ക് തീ പടര്ന്നില്ല.
ശക്തികുളങ്ങര പള്ളിക്ക് സമീപം തീരത്തടിഞ്ഞ കണ്ടെയ്നറുകളില് തീരത്തേക്ക് മാറ്റിയ എട്ടെണ്ണത്തില് രണ്ട് എണ്ണം ന്യൂസ് പ്രിന്റ് റോളുകളുടേതായിരുന്നു. ആറ് എണ്ണം കപ്പലില് തന്നെ കാലിയായി ഉണ്ടായിരുന്നതാണ്.അപകടകരമായ വസ്തുക്കള് ഈ കണ്ടെയ്നറുകളില് ഇല്ല. കൊല്ലം പോര്ട്ടിലേക്ക് നീക്കുന്നതിനുള്ള സൗകര്യം കണക്കിലെടുത്താണ് കസ്റ്റംസ് അനുമതിയോടെ കമ്പനി അധികൃതര് കണ്ടെയ്നര് മുറിക്കുന്നതിനുള്ള ശ്രമം ആരംഭിച്ചത്.
