എറണാകുളം : ശക്തമായ മഴ തുടരുന്നതിനാല് എറണാകുളം, കോട്ടയം, ഇടുക്കി,തൃശൂര്, വയനാട് , കണ്ണൂര്, കാസര്ഗോഡ് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വെളളിയാഴ്ച അവധി.പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് അവധി പ്രഖ്യാപിച്ചിട്ടുളളത്.
അങ്കണവാടികള്, അവധിക്കാല ക്ലാസുകളുളള വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്, മതപാഠശാലകള് എന്നിവയ്ക്കും അവധി ബാധകം. നേരത്തേ നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ലെന്ന് ജില്ലാ കളക്ടര് അറിയിച്ചു.
ബംഗാള് ഉല്ക്കടലിലെ ന്യുനമര്ദ്ദം അതിതീവ്ര ന്യുനമര്ഥമായി രൂപാന്തരപ്പെട്ടിട്ടുണ്ട്.അറബിക്കടലില് കാലവര്ഷക്കാറ്റിന്റെ ശക്തി വര്ധിച്ചതും കാരണം വരും ദിവസങ്ങളിലും മഴയുടെ ശക്തി വര്ദ്ധിക്കുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് എട്ടു ജില്ലകളിലാണ് അതിതീവ്ര മഴയ്ക്കുള്ള ചുവപ്പ് ജാഗ്രതപ്രഖ്യാപിച്ചിരിക്കുന്നത്. പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂര് കാസര്ഗോഡ് ജില്ലകളിലാണ് ചുവപ്പ് ജാഗ്രത. ബാക്കി എല്ലാ ജില്ലകളിലും ഓറഞ്ച് മുന്നറിയിപ്പാണ്.
കേരള, കര്ണാടക തീരങ്ങളില് ജൂണ് ഒന്നുവരെയും ലക്ഷദ്വീപ് തീരത്ത് ജൂണ് രണ്ടുവരെയും മത്സ്യബന്ധനം പാടില്ല. ഉയര്ന്ന തിരമാല കള്ളക്കടല് പ്രതിഭാസത്തിന് സാധ്യതയുള്ളതിനാല് തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര് ജില്ലകളില് ചുവപ്പ് ജാഗ്രതയാണ്. മലപ്പുറം കോഴിക്കോട് കാസര്ഗോഡ് കണ്ണൂര് ജില്ലകളില് ഓറഞ്ച് ജാഗ്രത.
