കൊച്ചി: പതിനെട്ടാമത് മണപ്പുറം മള്‍ട്ടിബില്യണയര്‍ ബിസിനസ് അച്ചീവര്‍ (എംബിഎ) അവാര്‍ഡ് ഏരീസ് ഗ്രൂപ്പ് ഫൗണ്ടര്‍ &സിഇഒ സര്‍ സോഹന്‍ റോയ്ക്ക് സമ്മാനിച്ചു. കൊച്ചി ലെ മെറിഡിയന്‍ ഹോട്ടലില്‍ നടന്ന പ്രൗഢഗംഭീരമായ ചടങ്ങില്‍ പ്രഥമ എംബിഎ അവാര്‍ഡ് ജേതാവ്, മണപ്പുറം ഫിനാന്‍സ്എം ഡി ആന്‍ഡ് സി ഇ ഒ, വി പി നന്ദകുമാര്‍ പുരസ്‌കാരം സമ്മാനിച്ചു.
എംബിഎ അവാര്‍ഡ്, എഫ് ഐ സി എഫ് ക്ലബ്ബ് എന്നിവയുടെ സ്ഥാപകനും പെഗാസസ് ചെയര്‍മാനുമായ അജിത് രവി ചടങ്ങില്‍ സന്നിഹിതനായിരുന്നു .ഈ നേട്ടത്തോടുകൂടി ലോകത്തിലെ ഏറ്റവും സമ്പന്നമായ ക്ലബ്ബായ ഫെഡറല്‍ ഇന്റര്‍നാഷണല്‍ ചേംബര്‍ ഫോറത്തില്‍ (എഫ്‌ഐസിഎഫ്) സര്‍ സോഹന്‍ റോയ്ക്ക് അംഗത്വം ലഭിക്കും. ആയിരം കോടി ആസ്തിയും സാമൂഹികപ്രതിബദ്ധതയുമുള്ള ബിസിനസുകാരും, എംബിഎ അവാര്‍ഡ് ജേതാക്കളുമായവരുടെ ഒരു വിശിഷ്ട ക്ലബ്ബാണ് എഫ് ഐ സി എഫ് . കൂടാതെ ലോകത്തിലാദ്യമായി മെമ്പര്‍ഷിപ്പിന് യാതൊരുവിധ ഫീസും ഈടക്കാത്ത ഒരേയൊരു സമ്പന്നരുടെ ക്ലബ് കൂടിയാണിത്.
മികച്ച ബിസിനസ് നേട്ടങ്ങളെയും മികവുകളെയും പ്രതിനിധീകരിച്ച്, സാമൂഹിക ലക്ഷ്യങ്ങളില്‍ സജീവമായി സംഭാവന നല്‍കിക്കൊണ്ട് സംരംഭകര്‍ക്ക് പ്രചോദനമായി നിലകൊള്ളുന്ന, സാമൂഹിക പുരോഗതിക്കായി അവരുടെ ആശയങ്ങള്‍ പ്രയോജനപ്പെടുത്താന്‍ എഫ് ഐ സി എഫ് ലക്ഷ്യമിടുന്നു.
വി പി നന്ദകുമാര്‍, ജോയ് ആലുക്കാസ്, എം എ യൂസഫ് അലി, ടി എസ് കല്യാണരാമന്‍, പി എന്‍ സി മേനോന്‍, ഗോകുലം ഗോപാലന്‍, ഡോ രവി പിള്ള, ശ്രീ എം പി രാമചന്ദ്രന്‍, കൊച്ചൗസെഫ് ചിറ്റിലപ്പിള്ളി, സാബു എം ജേക്കബ് , ഡോ വിജു ജേക്കബ്, ഡോ എ വി അനൂപ്, ഡോ വര്‍ഗീസ് കുര്യന്‍, അഡ്വ പി കൃഷ്ണദാസ്, ഡോ. ഹഫീസ് റഹ്മാന്‍ തുടങ്ങിയവരാണ് മുന്‍ എംബിഎ അവാര്‍ഡ് ജേതാക്കള്‍.
പ്രതികരിക്കാൻ ഇവിടെ എഴുതുക: