തിരുവനന്തപുരം : സ്കൂളില് സൂംബ നൃത്തം പഠിപ്പിക്കുന്നതിനെതിരെ മുജാഹിദിന്റെ യുവജനസംഘടന. ഇഷ്ടമില്ലാത്തവരെ നൃത്തത്തിന്റെ പ്രേരിപ്പിക്കുന്നത് വിദ്യാര്ത്ഥികളെ ബാധിക്കുമെന്ന് മുജാഹിദ്ദീന് യുവജനസംഘടനയുടെ ജനറല് സെക്രട്ടറി ഷൂക്കൂര് സ്വാലഹി വിമര്ശിച്ചു.
സ്കൂളില് മയക്കമരുന്നിന്റെ ഉപയോഗം കൂടുന്നതും മാനസികസമ്മര്ദ്ദം വര്ധിക്കുന്നതുമാണ് സൂംബ ഡാന്സിനെക്കുറിച്ച് ആലോചിക്കാന് പിണറായി സര്ക്കാരിനെ പ്രേരിപ്പിക്കുന്നത്. ഈ ഡാന്സ് കുട്ടികളുടെ മാനസിക ആരോഗ്യം വര്ധിപ്പിക്കാന് നല്ലതാണെന്ന് മുഖ്യമന്ത്രിയാണ് സ്കൂള് വിദ്യാര്ത്ഥികളുടെ മാനസികാരോഗ്യം വര്ധിപ്പിക്കുന്നതിനും അവരെ മയക്കമരുന്നുപയോഗത്തില് നിന്നും മോചിപ്പിക്കുന്നതിനും വേണ്ടി ആലോചിക്കാന് വിളിച്ചുചേര്ത്ത യോഗത്തില് നിര്ദേശിച്ചത്. ഇതേക്കുറിച്ച് ആലോചിക്കാന് മുഖ്യമന്ത്രി വിദ്യാഭ്യാസമന്ത്രി ശിവന്കുട്ടിയോട് ആവശ്യപ്പെട്ടിട്ടുണ്ട്.
അടുത്ത അധ്യയനവര്ഷം മുതല് ഒരു മണിക്കൂര് നേരം സൂംബ ഡാന്സ് പഠിപ്പിക്കാനാണ് തീരുമാനമെന്നും ഇത് കലയുമാണ്, കായികവുമാണ് എന്നും ശിവന്കുട്ടി പറയുന്നു.
സ്കൂളില് സൂംബനൃത്തം പഠിപ്പിക്കാനുള്ള സര്ക്കാരിന്റെ നീക്കം അപക്വമാണെന്നാണ് മുജാഹിദ്ദീന് യുവജനസംഘടനയുടെ ജനറല് സെക്രട്ടറി ഷൂക്കൂര് സ്വാലഹി ആരോപിച്ചു. ഇത്തരം തീരുമാനങ്ങള് കുട്ടികളുടെ മേല് അധ്യാപകര്ക്കുള്ള നിയന്ത്രണം നഷ്ടപ്പെടുത്തുന്നതിനേ സഹായിക്കൂ എന്നും ഷൂക്കൂര് സ്വാലഹി ആരോപിച്ചു.
ഇതിന് പിന്നില് രഹസ്യ അജണ്ടകള് ഉണ്ടോ എന്ന് പരിശോധിക്കണമെന്നും മുജാഹിദ്ദീന് യുവജനസംഘടനയുടെ ജനറല് സെക്രട്ടറി ഷൂക്കൂര് സ്വാലഹി പറയുന്നു.
