മുംബൈ : മഹാരാഷ്ട്രയിലെ വാഷിം ജില്ലയിലെ ജൗൽക്ക ഗ്രാമത്തിലെ സൈനികനായ കൃഷ്ണ രാജു അംബോർ ദേശസ്നേഹത്തിന്റെയും സമർപ്പണത്തിന്റെയും വലിയ ഒരു മാതൃക സൃഷ്ടിച്ചു. അവധിക്ക് വീട്ടിലെത്തിയ കൃഷ്ണ രാജു അംബോറെ രണ്ട് ദിവസം മുമ്പ് വിവാഹിതനായത്.
വിവാഹം കഴിഞ്ഞ് വെറും രണ്ട് ദിവസത്തിന് ശേഷം സൈന്യത്തിൽ നിന്ന് ഡ്യൂട്ടിക്കായി ഒരു വിളി ലഭിച്ചപ്പോൾ ഒരു നിമിഷം പോലും വൈകാതെ തന്റെ ഉത്തരവാദിത്തം നിറവേറ്റാൻ അദ്ദേഹം തീരുമാനിച്ചു. അദ്ദേഹം തന്റെ വധുവിനോടും കുടുംബത്തോടും യാത്ര പറഞ്ഞ് തന്റെ രാജ്യത്തെ സേവിക്കാൻ പോയി.
ഈ സമയം കൃഷ്ണ രാജുവിന്റെ വധു നനഞ്ഞ കണ്ണുകളോടെ ഭർത്താവിന് വിട പറയേണ്ടി വന്നു. യാത്ര പറയുന്ന വേളയിൽ വധുവിന്റെ കണ്ണുകളിൽ കണ്ണുനീർ ഉണ്ടായിരുന്നു. പക്ഷേ കൃഷ്ണന്റെ കണ്ണുകളിൽ രാജ്യത്തിനായുള്ള സമർപ്പണമായിരുന്നു മുഴുവൻ. കണ്ണീരോടെ നവവധുവിന് വിട നൽകിയ ശേഷം അദ്ദേഹം ഉടൻ തന്നെ രാജ്യത്തെ സേവിക്കാൻ പോയി.
ഇന്ന് ഉച്ചയ്ക്ക് 2.30ന്, ഉത്തരാഖണ്ഡിലേക്ക് ഡ്യൂട്ടിക്കായി മടങ്ങാൻ അദ്ദേഹം വാഷിം റെയിൽവേ സ്റ്റേഷനിൽ എത്തിയപ്പോൾ ഗ്രാമത്തിലെ ആളുകൾ അദ്ദേഹത്തെ യാത്രയയക്കാൻ എത്തിയിരുന്നു. അവിടത്തെ അന്തരീക്ഷം ദേശസ്നേഹം കൊണ്ട് നിറഞ്ഞിരുന്നു. ഗ്രാമവാസികൾ ആർപ്പുവിളിച്ചുകൊണ്ട് അദ്ദേഹത്തിന് വിട നൽകി. പാകിസ്ഥാനെ പരാജയപ്പെടുത്താൻ അദ്ദേഹത്തിന് ആശംസകൾ നേർന്നു.
ഗ്രാമത്തിലെ മുതിർന്നവർ മുതൽ കുട്ടികൾ വരെയുള്ള എല്ലാവരുടെയും കണ്ണുകളിൽ അഭിമാനം വ്യക്തമായി കാണാമായിരുന്നു. കൃഷ്ണന്റെ ഈ നടപടി അദ്ദേഹത്തിന്റെ കുടുംബത്തിന് മാത്രമല്ല മുഴുവൻ ഗ്രാമത്തിനും ജില്ലയ്ക്കും പ്രചോദനമായി മാറിയിരിക്കുന്നു. “രാജ്യം ആദ്യം, മറ്റെല്ലാം പിന്നീട്” – കൃഷ്ണൻ പറഞ്ഞു.
ഇന്ത്യ-പാകിസ്ഥാൻ അതിർത്തിയിലെ സംഘർഷം കാരണം സൈനികരുടെയും അർദ്ധസൈനിക വിഭാഗങ്ങളുടെയും അവധികൾ സർക്കാർ റദ്ദാക്കിയിരുന്നു. ഈ സാഹചര്യത്തിലാണ് കൃഷ്ണ രാജുവിനോടും ഡ്യൂട്ടിയിൽ ചേരാൻ ഉദ്യോഗസ്ഥർ ആവശ്യപ്പെട്ടത്.
