കോട്ടയം: മുസ്ളീം മഹല്ല് കമ്മിറ്റി സംഘടിപ്പിച്ച യോഗത്തില് വര്ഗീയ ചേരിതിരിവുണ്ടാക്കാന് സിപിഎം രാജ്യസഭാ കക്ഷി ഉപ നേതാവ് ജോണ് ബ്രിട്ടാസിന്റെ ആസൂത്രിത ശ്രമം. മുസ്ളീങ്ങളെ പ്രകോപിപ്പിച്ച് കേന്ദ്രസര്ക്കാരിനെതിരെ തിരിക്കാനാണ് സിപിഎം നേതാവ് ശ്രമിച്ചത്. വഖഫ് കൗണ്സിലില് മുസ്ലീങ്ങള് അല്ലാത്ത 12 പേരെ നിയമിക്കാനാണ് ബിജെപി സര്ക്കാരിന്റെ നീക്കമെന്നാണ് ജോണ് യോഗത്തില് പറഞ്ഞത്. പത്മനാഭ സ്വാമി ക്ഷേത്ര ഭരണസമിതിയില് അംഗമാക്കേണ്ട ജില്ലാ ജഡ്ജി മുസ്ളീം ആണെങ്കില് പകരം തൊട്ടു താഴെയുള്ള ഹിന്ദുവിനെ നിയമിക്കണമെന്ന് കോടതി പോലും പറഞ്ഞു. എന്നാല് കേന്ദ്ര വഖഫ് കൗണ്സിലിലെ 22 അംഗങ്ങളില് 12 പേരോളം മുസ്ലീങ്ങള് ആകണമെന്നില്ല എന്ന് നിയമത്തില് എഴുതി വെച്ചാല് ആ 12 പേരും മുസ്ലീങ്ങള് ആയിരിക്കില്ലെന്ന സ്ഥിതി ഇന്നത്തെ സാഹചര്യത്തില് സംജാതമാകും. ഒരു മുസ്ലിമിനെ പോലും കേന്ദ്രമന്ത്രിസഭയില് ഉള്പ്പെടുത്താത്ത ഈ സര്ക്കാരില് നിന്ന് നിങ്ങള് നീതി പ്രതീക്ഷിക്കരുത്. പ്രതീക്ഷിക്കുമോ എന്ന് സമ്മേളന വേദിയിലേക്ക് തിരിഞ്ഞു നിന്ന് മത നേതാക്കളോട് ബ്രിട്ടാസ് ചോദിക്കുന്നുണ്ട്്. അവരാരും അതിനു മറുപടി പറഞ്ഞില്ല. ഇതോടെ ഇല്ല എന്ന് ബ്രിട്ടാസ് തന്നെ മറുപടി പറഞ്ഞ് പ്രസംഗം തുടരുകയാണ് . കേരളത്തിലടക്കം ബിജെപി മല്സരിപ്പിച്ച മുസ്ളീം സ്ഥാനാര്ത്ഥികളെ കോണ്ഗ്രസുമായി കൈകോര്ത്ത് സംഘടിതമായി പരാജയപ്പെടുത്തിയതാണെന്ന വസ്തുത മറച്ചുവച്ചാണ് ബ്രിട്ടാസ് ഈ ആരോപണം ഉന്നയിച്ചത്.
ചങ്ങനാശ്ശേരിയില് മഹല്ല് മഹല്ല് കേന്ദ്ര കമ്മിറ്റി സംഘടിപ്പിച്ച വഖഫ് സംരക്ഷണ സമ്മേളനം ഉദ്ഘാടനം ചെയ്യുകയായിരുന്നു ജോണ്.
