തിരുവനന്തപുരം: മാവിന്‍മൂട് സ്വദേശിനി യുവതിയെ വീട്ടില്‍ കയറി മര്‍ദിച്ച സംഭവത്തില്‍ രണ്ട് പേര്‍ അറസ്റ്റിലായി. ഞെക്കാട് വലിയവിള എസ്എസ് സതീഷ് സാവന്‍ (46), ഞെക്കാട് വലിയവിളയില്‍ ശ്രീകാന്ത് (26) എന്നിവരാണ് പിടിയിലായത്.
കഴിഞ്ഞ ബുധനാഴ്‌ച്ച രാത്രിയാണ് പ്രതികള്‍ യുവതിയെ വീട്ടില്‍ അതിക്രമിച്ച് കയറി മര്‍ദ്ദിക്കുകയും ഭീഷണിപ്പെടുത്തുകയും ചെയ്തത്. വീട് അടിച്ചു തകര്‍ക്കുകയും ചെയ്തു.
കല്ലമ്പലം പൊലീസാണ് പ്രതികളെ പിടികൂടിയത്. ഒന്നാം പ്രതി സതീഷ് സാവന്‍ കൊലപാതക ശ്രമം, അടിപിടി കേസുകള്‍, മോഷണം തുടങ്ങി ഇരുപത്തിയഞ്ചോളം കേസുകളില്‍ പ്രതിയാണ്.ശ്രീകാന്ത് എഴോളം കേസിലും പ്രതിയാണ്.പ്രതികളെ കോടതി റിമാന്‍ഡ് ചെയ്തു.
