പാറശാല : പാറശ്ശാല സ്വദേശിയായ സതീഷ്‌കുമാര്‍ മാലു ദമ്പതികളുടെയും രണ്ട് പെണ്‍മക്കളുടെയും സ്വന്തം വീടെന്ന സ്വപ്‌നം യാഥാര്‍ത്ഥ്യമായി. സേവാഭാരതിയും കെ.ചിറ്റിലപ്പിള്ളി ഫൗണ്ടേഷനും തുണയായതോടെ ഇവര്‍ പുതിയ വീട്ടിലേയ്‌ക്ക് തമസമായി.
വാടക കെട്ടിടത്തില്‍ കഴിഞ്ഞിരുന്ന ഇവര്‍ക്ക് സ്വന്തമായി ഒരു വീട് എന്നതായിരുന്നു സ്വപ്‌നം. സര്‍ക്കാരിന്റെ വിവിധ പദ്ധതികള്‍ ഉണ്ടെങ്കിലും പല കാരണങ്ങളാല്‍ സതീഷിന്റെ മുന്നില്‍ ആ വാതിലുകള്‍ അടഞ്ഞു. ഒടുവിലാണ് കെ.ചിറ്റിലപ്പള്ളി ഫൗണ്ടേഷന്റെ സഹായത്തോടെ സേവാഭാരതിയുടെ തല ചായ്‌ക്കാനൊരിടം എന്ന പദ്ധതിയിലൂടെ സതീഷിന്റെയും കുടുംബത്തിന്റെയും വീട് എന്ന സ്വപ്‌ന ത്തിനായുള്ള വഴി തെളിഞ്ഞ് വീട് നിര്‍മാണം നടത്തിയത്. ആര്‍എസ്എസ് ദക്ഷിണ പ്രാന്ത സംഘചാലക് പ്രൊഫ: എം.എസ് രമേശന്‍ താക്കോല്‍ കുടുംബത്തിന് കൈമാറി.
ദേശീയ സേവാഭാരതി സംസ്ഥാന ഉപാധ്യക്ഷന്‍ ഡി. വിജയന്‍ മംഗള പത്രം നല്‍കി. സേവാഭാരതി പാറശ്ശാല പഞ്ചായത്ത് പ്രസിഡന്റ് ഹേമ അധ്യക്ഷത വഹിച്ചു. സെക്രട്ടറി ശിവപ്രസാദ്, ആര്‍എസ്എസ് പാറശ്ശാല ഖണ്ഡ് സംഘചാലക് അശോകന്‍ പ്രദീപ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: