ഹരിപ്പാട്: യോഗക്ഷേമസഭ വനിതാ വിഭാഗം സംസ്ഥാന കമ്മിറ്റിയുടെ ആഭിമുഖ്യത്തിലുള്ള സഹവാസ -സൗഹൃദ ക്യാമ്പ് മണ്ണാറശാല യുപി സ്കുളില് തുടങ്ങി. സംസ്ഥാന പ്രസിഡന്റ് അക്കീരമണ് കാളിദാസ ഭട്ടതിരി പതാകയുയര്ത്തി. സമാരംഭ സഭ മണ്ണാറശാല ക്ഷേത്രം ട്രസ്റ്റിയും നഗരസഭ സ്ഥിരം സമിതി അധ്യക്ഷനുമായ എസ്. നാഗദാസ് ഉദ്ഘാടനം ചെയ്തു.
വനിതാ സഭ സംസ്ഥാന പ്രസിഡന്റ് മല്ലിക നമ്പൂതിരി അധ്യക്ഷയായി. സെക്രട്ടറി വത്സല പണിക്കം, ജന.കണ്വീനര് സാവിത്രി കെ. നമ്പൂതിരി, രക്ഷാധികാരി പട്ടമന ആനന്ദന് നമ്പൂതിരി, സഭ സംസ്ഥാന വൈസ് പ്രസിഡന്റ് പി.വി. ശിവദാസ്, മധ്യമേഖല പ്രസിഡന്റ് ടി.എന്. മുരളീധരന്, ജില്ലാ സെക്രട്ടറി തളിക്കല് മാധവന് നമ്പൂതിരി, ടി.ജെ. ഉണ്ണികൃഷ്ണന് നമ്പൂതിരി, ബിന്ദു തലവടി, പി.എന്. സുജാത തുടങ്ങിയവര് പങ്കെടുത്തു. ബോധവല്ക്കരണ ക്ലാസ്, വെബിനാര്, കലാപരിപാടികള്, ക്യാമ്പ് ഫയര് എന്നിവയും നടന്നു. ഞായറാഴ്ച വിവാഹ വേദി, ഘോഷയാത്ര, മെഗാ തിരുവാതിര എന്നിവ നടക്കും. ഉച്ചക്ക് 2.30ന് നടക്കുന്ന സമാപന സമ്മേളനം രമേശ് ചെന്നിത്തല എംഎല്എ ഉദ്ഘാടനം ചെയ്യും.
