കൊല്ലം : കെഎസ്ആര്‍ടിസി ബസില്‍ കടത്തിയ ഏഴുകിലോ കഞ്ചാവ് പിടികൂടി. തെന്മല എക്സൈസ് ചെക്ക് പോസ്റ്റില്‍ നടത്തിയ പരിശോധനയിലാണ് കഞ്ചാവ് പിടികൂടിയത്. വര്‍ക്കല പുല്ലൂര്‍ മുക്ക് സ്വദേശി തൗഫീഖിനെ (25) അറസ്റ്റ് ചെയ്തു.
കുറച്ചു ദിവസങ്ങളായി വാഹനങ്ങളില്‍ ലഹരി കടത്തുന്നത് പിടികൂടുന്നതിനായി ആര്യങ്കാവ് ചെക്പോസ്റ്റില്‍ പൊലീസും എക്സൈസും പരിശോധനകള്‍ ശക്തമാക്കിയിരുന്നു. ഇന്നലെ 12 കിലോ ഗ്രാം കഞ്ചാവ് പിടിച്ചതിനു പിന്നാലെയാണ് ശനിയാഴ്ച ഉച്ച കഴിഞ്ഞ് 2.30 ഓടെ കെഎസ്ആര്‍ടിസിയുടെ തെങ്കാശി കൊല്ലം അന്തര്‍ സംസ്ഥാന ബസില്‍ നിന്നും കഞ്ചാവ് പിടികൂടിയത്.
വര്‍ക്കല താലൂക്കിലെ കൊടുവൂര്‍ചിറ സ്വദേശിയാണ് തൗഫീഖ്. ആന്ധ്രയിലെ തിരുപ്പതിയില്‍ നിന്നാണ് ഇയാള്‍ കഞ്ചാവ് കടത്തിക്കൊണ്ടു വന്നത്.
പ്രതികരിക്കാൻ ഇവിടെ എഴുതുക: