ശോഭ സുരേന്ദ്രന്റെ വീടിന് മുന്നിലെ പൊട്ടിത്തെറിയില്‍ ദുരൂഹതയില്ലെന്ന് പൊലീസ്

തൃശൂര്‍: ബിജെപി സംസ്ഥാന വൈസ് പ്രസിഡന്റ് ശോഭ സുരേന്ദ്രന്റെ വീടിന് മുന്നിലെ
പൊട്ടിത്തെറിയില്‍ ദുരൂഹതയില്ലെന്ന് പൊലീസ്. പൊട്ടിയത് പടക്കമാണെന്ന് പൊലീസ് അറിയിച്ചു. പ്രദേശത്തുളള മൂന്നു യുവാക്കളാണ് ശോഭാ സുരേന്ദ്രന്റെ വീടിന് മുമ്പില്‍ പടക്കം പൊട്ടിച്ചതെന്ന് കണ്ടെത്തിയതായി പൊലീസ് പറഞ്ഞു.

ഈസ്റ്ററിന് വാങ്ങിയ പടക്കമാണ് പൊട്ടിച്ചതെന്ന് യുവാക്കള്‍ പറഞ്ഞതായി പൊലീസ് അറിയിച്ചു.പൊട്ടിത്തെറി ശബ്ദം ഉണ്ടായ ശേഷം പൊലീസ് വന്നതോടെ യുവാക്കള്‍ ഭയന്ന് മിണ്ടാതിരുന്നു.

അലക്ഷ്യമായി പടക്കം പൊട്ടിച്ചതിന് കേസെടുത്ത് യുവാക്കളെ വിട്ടയക്കും.