ശ്രീകാര്യം: കാര്യവട്ടംക്യാമ്പസിന് മുന്നില് അശാസ്ത്രീയമായി നിര്മ്മിച്ചിരിക്കുന്ന നടപ്പാത മാറ്റി റോഡിന് വീതി കൂട്ടി അപകടങ്ങള്ഒഴിവാക്കണമെന്ന് ശ്രീകാര്യം വാര്ഡിലെ ജനസദസ്.
കാര്യവട്ടം ക്ഷേത്രത്തിന് സമീപമുള്ള സര്ക്കാര് ഭൂമിയില് പൊതു ശൗചാലയം നിര്മ്മിക്കണം. കാര്യവട്ടത്തും പരിസര പ്രദേശങ്ങളിലും താമസിക്കുന്നവര് അനുഭവിക്കുന്ന കുടിവെള്ളക്ഷാമത്തിന് പരിഹാരം കാണുക ‘കാര്യവട്ടത്തും പരിസരങ്ങളിലും ഉള്ള കുളങ്ങള് നവീകരിക്കുക.’ റോഡിന് ഇരുവശങ്ങളിലും ഉള്ള ഓടകള് വൃത്തിയാക്കണമെന്ന ആവശ്യവും ഉയര്ന്നു.
പാങ്ങപ്പാറ ഗുരുവന്ദനത്തില് നടന്ന ജനസദസ്സ് കൗണ്സിലര് സിമി ജ്യോതിഷ് ഉദ്ഘാടനം ചെയ്തു. ഭാരതീയ വിചാര കേന്ദ്രം അക്കാദമിക് ഡയറക്ടര് മധുസൂദനന് പിള്ള മുഖ്യപ്രഭാഷണംനടത്തി.
തിരുവനന്തപുരം നഗരത്തിലെ പ്രധാന കേന്ദ്രങ്ങളില് ഒന്നായ ശ്രീകാര്യം വാര്ഡിലെ കാര്യവട്ടത്തെ ജനങ്ങള് അനുഭവിക്കുന്ന ദുരിതങ്ങള്ക്ക് പരിഹാരം കാണുവാന് നഗരസഭ അധികൃതര് മുന്കൈയെടുക്കണമെന്ന് മധുസൂദനന് പിള്ള പറഞ്ഞു.
