കൊച്ചി: നടന് ഷൈന് ടോം ചാക്കോയ്ക്കെതിരായ പരാതിയില് സൂത്രവാക്യം സിനിമയുടെ ഇന്റേണല് കമ്മിറ്റിക്ക് നടി വിന്സി അലോഷ്യസ് മൊഴി നല്കി .എന്നാല് നടനെതിരെ നിയമ നടപടിക്ക് ഇല്ലെന്ന നിലപാട് ആവര്ത്തിച്ചു.
മൊഴിയുടെ വിശദാംശങ്ങള് പുറത്തു പറയാനാകില്ലെന്ന് പുറത്തു വന്ന ശേഷം നടി മാധ്യമങ്ങളോട് പ്രതികരിച്ചു.എന്നാല് തന്റെ പരാതിയിലെ വിവരങ്ങള് പുറത്ത് വന്നതില് അതൃപ്തിയുണ്ട്.
താനും ഷൈന് ടോം ചാക്കോയും ഒരുമിച്ചും ഒറ്റയ്ക്കും മൊഴി നല്കിയെന്ന് വിന്സി മാധ്യമങ്ങളോട് പറഞ്ഞു. ഇന്റേണല് കമ്മിറ്റിയുടെയും ഫിലിം ചേംബറിന്റെയും നടപടികളില് തൃപ്തിയുണ്ടെന്നും വിന്സി അലോഷ്യസ് മാധ്യമങ്ങളോട് പറഞ്ഞു. ഷൈന് ടോം ചാക്കോ മൊഴി നല്കാനെത്തിയത് മാതാപിതാക്കളോടും സഹോദരനുമൊപ്പമാണ്. നടന് മാധ്യമങ്ങളോട് പ്രതികരിക്കാതെ മടങ്ങി.
