തിരുവനന്തപുരം:കിളിമാനൂരില്‍ അമ്മ മക്കളെ ചട്ടുകം കൊണ്ട് പൊള്ളിച്ചു.ആറും എട്ടും വയസുള്ള പെണ്‍കുട്ടികളെയാണ് പൊള്ളലേല്‍പ്പിച്ചത്.
മാതാവ് പൊലീസ് കസ്റ്റഡിയില്‍. കിളിമാനൂര്‍ പുതിയകാവിലെ വീട്ടില്‍ ഇന്നലെ രാവിലെയായിരുന്നു സംഭവം.
വീട്ടില്‍ കുട്ടികളും മാതാവും മുത്തശ്ശിയും മാത്രമാണ് ഉണ്ടായിരുന്നത്. കുട്ടികള്‍ തമ്മില്‍ വഴക്കിട്ടതാണ് ചട്ടുകം വച്ച് പൊള്ളിക്കാന്‍ കാരണം.
രാവിലെ പാലക്കാടുള്ള ജോലി സ്ഥലത്തുനിന്നും പിതാവ് വീട്ടിലെത്തിയപ്പോഴാണ് സംഭവം അറിയുന്നത്. പരിക്കിന്റെ ചിത്രം സ്‌കൂള്‍ അധികൃതര്‍ക്ക് ലഭിച്ചതോടെ പൊലീസില്‍ വിവരമറിയിച്ചു. കിളിമാനൂര്‍ പൊലീസ് വീട്ടിലെത്തി കുട്ടികളെ പിതാവിനൊപ്പം ആശുപത്രിയില്‍ എത്തിച്ച ശേഷം മാതാവിനെ കസ്റ്റഡിയിലെടുക്കുകയുമായിരുന്നു.
പ്രതികരിക്കാൻ ഇവിടെ എഴുതുക: