കൊച്ചി: ഡാന്സാഫ് പരിശോധനയ്ക്കിടെ ഹോട്ടലില് നിന്ന് ഇറങ്ങിയോടി നടന് ഷൈന് ടോം ചാക്കോ. ഹോട്ടലിന്റെ മൂന്നാം നിലയില് നിന്ന് ഏണിപ്പടി വഴി ഇറങ്ങിയോടുന്ന ഷൈനിനെ വീഡിയോ ദൃശ്യങ്ങൾ പുറത്തു വന്നു. ബുധനാഴ്ച രാത്രി 11 മണിക്ക് എറണാകുളം നോര്ത്തിലെ ഹോട്ടലില് നിന്നാണ് ഷൈന് ഇറങ്ങിയോടിയത്.
നടി വിന് സിയുടെ വെളിപ്പെടുത്തലിന് പിന്നാലെയാണ് ഡാൻസാഫിന്റെ കൊച്ചി യുണീറ്റ് സംഘം ഹോട്ടലില് പരിശോധനയ്ക്ക് എത്തിയത്. 314-ാം റൂമിന്റെ വാതില് തുറന്നപ്പോള് മുന്നില് പോലീസിനെ കണ്ടയുടനെ ഷൈന് ടോം ജനല് വഴി പുറത്തെത്തിയാണ് ഇറങ്ങിയോടിയത്. കൊച്ചി നാർക്കോട്ടിക്സ് എസിപിയുടെ നിർദേശപ്രകാരമാണ് പരിശോധന നടത്തിയത്.
നേരത്തെ സിനിമാ സെറ്റിലെ ദുരനുഭവുമായി ബന്ധപ്പെട്ട് നടി വിന് സി അലോഷ്യസ് താരസംഘടനയായ അമ്മയ്ക്ക് പരാതി നല്കിയിരുന്നു. ഷൈന് ടോം ചാക്കോയ്ക്ക് എതിരെയാണ് വിന് സിയുടെ പരാതി. ലഹരി ഉപയോഗിച്ച് തന്നോട് മോശമായി പെരുമാറിയെന്നും സൂത്രവാക്യം എന്ന ചിത്രത്തിന്റെ സെറ്റിലായിരുന്നു സംഭവമെന്നും വിന് സിയുടെ പരാതിയിലുണ്ട്.
