എറണാകുളം: നടന് ഷൈന് ടോം ചാക്കോ പ്രതിയായ കൊക്കയ്ന് കേസില് പൊലീസ് അന്വേഷണത്തിലെ വീഴ്ചകള് വിചാരണക്കോടതി ഉത്തരവില് വ്യക്തമാക്കുന്നു. നടപടിക്രമങ്ങള് പാലിച്ച് അന്വേഷണം പൂര്ത്തിയാക്കുന്നതില് പൊലീസിന് വീഴ്ചപറ്റിയെന്ന് കോടതി ചൂണ്ടിക്കാട്ടി.
പിടിച്ചെടുത്ത കൊക്കെയിന്റെ ഘടകങ്ങള് വേര്തിരിച്ച് പരിശോധിച്ചില്ല. രഹസ്യ വിവരം ലഭിച്ചുവെന്ന വാദം പൊലീസ് പട്രോളിംഗ് സംഘം കോടതിയില് തള്ളിപ്പറഞ്ഞു.പൊലീസ് കണ്ടെടുത്ത വസ്തുക്കള് സെര്ച്ച് മെമ്മോയില് ഇല്ലെന്നും കോടതി പറഞ്ഞു.
ഡ്യൂട്ടിയിലില്ലാത്ത ഗസറ്റഡ് ഉദ്യോഗസ്ഥനാണ് പ്രതികളെ പരിശോധിച്ചത് . വനിതാ പ്രതികളെ പരിശോധിച്ചത് വനിതാ പൊലീസ് അല്ല. ഷൈന് ടോം ചാക്കോ ഉള്പ്പടെയുള്ള അഞ്ച് പ്രതികള് കൊക്കെയ്ന് ഉപയോഗിച്ചോ എന്ന് പൊലീസ് പരിശോധിച്ചില്ല. ഷൈന് ടോം ചാക്കോ ഉണ്ടായിരുന്ന ഫ്ളാറ്റ് തുറന്നതാരെന്നും ആദ്യം അകത്തേക്ക് കടന്നതാരെന്നും പൊലീസ് ഉദ്യോഗസ്ഥന് ഓര്മ്മയില്ലെന്നും കോടതി ചൂണ്ടിക്കാട്ടി.
