കാസര്കോട്: യുവതിയെ കടക്കുള്ളില് തിന്നര് ഒഴിച്ച് തീ കൊളുത്തി. ബേഡകത്ത് പലചരക്ക് കട നടത്തുന്ന രമിത (27) ആണ് പൊള്ളലേറ്റ് ഗുരുതരാവസ്ഥയില് ചികിത്സയിലുളളത്.
ശരീരത്തില് 50 ശതമാനത്തിലേറെ പൊള്ളലേറ്റ യുവതിയെ കാഞ്ഞങ്ങാട് ജില്ലാ ആശുപത്രിയില് തീവ്ര പരിചരണ വിഭാഗത്തില് പ്രവേശിപ്പിച്ചു.
രമിതയുടെ കടയ്ക്ക് സമീപം ഫര്ണിച്ചര് കട നടത്തുന്ന തമിഴ്നാട് ചിന്നപട്ടണം സ്വദേശി രാമാമൃതം (57) ആണ് പ്രതി. ഇയാളെ പൊലീസ് പിടികൂടി.
രാമാമൃതം മദ്യപിച്ച് കടയില് എത്തി പ്രശ്നമുണ്ടാക്കുന്നതിനെ കുറിച്ച് രമിത, കെട്ടിട ഉടമയോട് പരാതി പറഞ്ഞിരുന്നു. ഇതേത്തുടര്ന്ന് രാമാമൃതത്തോട് കടമുറി ഒഴിയാന് കെട്ടിട ഉടമ ആവശ്യപ്പെട്ടു. ഈ വിരോധമാണ് ആക്രമണത്തിന് കാരണം എന്നാണ് വിവരം.
