വാരണാസി ; വർഷങ്ങൾക്ക് മുൻപ് ഔറംഗസീബ് തകർത്ത രാമക്ഷേത്രത്തിന് പുതുജീവൻ നൽകാൻ യോഗി സർക്കാർ. 627 വർഷം പഴക്കമുള്ള ക്ഷേത്രം പുനർനിർമ്മിക്കാൻ മുഖ്യമന്ത്രി യോഗി ആദിത്യനാഥ് ശിലാസ്ഥാപനം നടത്തി .
എണ്ണായിരം ചതുരശ്ര അടി വിസ്തീർണ്ണമുള്ള ക്ഷേത്രത്തിന്റെ പുനർനിർമ്മാണത്തിനുള്ള ഒരുക്കങ്ങൾ പൂർത്തിയായി. കേദാർഖണ്ഡിലെ ഈ പ്രദേശം അയോധ്യ എന്നാണ് അറിയപ്പെടുന്നതെന്ന് ജഗദ്ഗുരു റാം കമലാചാര്യ വേദാന്തി ജി മഹാരാജ് പറഞ്ഞു. ജഗദ്ഗുരു രാമാനന്ദാചാര്യരുടെ പ്രചോദനത്താൽ 1398 ൽ അദ്ദേഹത്തിന്റെ ശിഷ്യനായ അനന്താനന്ദാചാര്യയാണ് ഈ ക്ഷേത്രം പണികഴിപ്പിച്ചത്.
രാം ദർബാർ, രാധാകൃഷ്ണൻ, ഭഗവാൻ ശങ്കർ, മാ ദുർഗ്ഗ, ഹനുമാൻ ജി എന്നിവരുടെ പ്രതിമകൾ ഉണ്ടാകും. രാമാനന്ദാചാര്യ, അനന്താനന്ദാചാര്യ, തുളസീദാസ് ജി എന്നിവരുടെ പ്രതിമകളും ക്ഷേത്ര പരിസരത്ത് സ്ഥാപിക്കും. മൂന്ന് വർഷത്തിനുള്ളിൽ ക്ഷേത്രത്തിന്റെ നിർമ്മാണം പൂർത്തിയാകും. ഈ ക്ഷേത്രത്തിന് 4 നിലകൾ ഉണ്ടായിരിക്കും. ഒന്നാം നിലയിൽ സന്യാസിമാരും വേദപണ്ഡിതരും താമസിക്കും. രണ്ടാം നിലയിൽ അതിഥി താമസ സൗകര്യവും മൂന്നാം നിലയിൽ ഹോസ്റ്റലും നാലാം നിലയിൽ ക്ലാസുകളും ഡൈനിംഗ് സൗകര്യവും ഉണ്ടായിരിക്കും.
1669-ൽ ഔറംഗസീബ് കാശിയിലെ ക്ഷേത്രങ്ങൾ തകർത്തപ്പോൾ, ഈ ക്ഷേത്രവും തകർക്കപ്പെട്ടു. ആ സമയത്ത് നിരവധി പുരാതന വിഗ്രഹങ്ങൾ തകർക്കപ്പെട്ടു, പക്ഷേ ലക്ഷ്മി നാരായണ വിഗ്രഹങ്ങൾ സുരക്ഷിതമായി തുടർന്നു. അത് ഇന്നും നിലവിലുണ്ട്.
