ടെഹ്റാന്: ആണവകരാറില് ഒപ്പിട്ടില്ലെങ്കില് ഇറാന് ബോംബിട്ട് തകര്ക്കുമെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഭീഷണിക്കെതിരെ മറു ഭീഷണിയുമായി ഇറാന്. ലോകമെമ്പാടുമുള്ള യുഎസിന്റെ സ്ഥാപനങ്ങള് തരിപ്പണമാക്കാനുള്ള മിസൈലുകള് തങ്ങള് സജ്ജമാക്കിയിട്ടുണ്ടെന്നായിരുന്നു ട്രംപിന് ഇറാന്റെ മുന്നറിയിപ്പ്.
ട്രംപിന്റെ ബോംബിനെതിരെ ഇറാന്റെ മിസൈലുകള് തയാറായി നില്പ്പുണ്ട്. വിക്ഷേപിക്കാന് തയാറായ ഈ മിസൈലുകളില് ഗണ്യമായ എണ്ണം രാജ്യത്തുടനീളം സജ്ജീകരിച്ചിട്ടുള്ള ഭൂഗര്ഭ അറകളില് ഭദ്രമാണ്. അവ വ്യോമാക്രമണങ്ങളെ ചെറുക്കാന് രൂപകല്പ്പന ചെയ്തിട്ടുള്ളവയാണെന്നാണ് ഇറാന് ഔദ്യോഗിക വൃത്തങ്ങള് അറിയിച്ചത്. ടെഹ്റാന് ടൈംസ് ആണ് ഇത് സംബന്ധിച്ച റിപ്പോര്ട്ട് പുറത്തുവിട്ടത്.
ആണവകരാറില് തീരുമാനമെടുക്കാന് തയാറാവാത്തതില് പ്രതിഷേധിച്ചാണ് ഇറാനുനേരെ ട്രംപ് എന്ബിസി ന്യൂസിന് നല്കിയ അഭിമുഖത്തില് ബോംബ് ഭീഷണി മുഴക്കിയത്.
അവര് കരാറുണ്ടാക്കുന്നില്ലെങ്കില് അവിടെ ബോംബ് വര്ഷിക്കും. അവര് ഇന്നേവരെ കാണാത്ത തരത്തില് ബോംബുകള് പതിച്ചുകൊണ്ടേയിരിക്കുമെന്നുമായിരുന്നു ട്രംപിന്റെ ഭീഷണി. ഇതോടൊപ്പം നികുതി, ചരക്കുനിരോധനം തുടങ്ങി ഗുരുതരമായ പ്രത്യാഘാതങ്ങള് ഇറാന് നേരിടേണ്ടിവരുമെന്നും ട്രംപ് മുന്നറിയിപ്പ് നല്കിയിരുന്നു. ആണവകരാറില് തീര്പ്പു കല്പ്പിക്കാന് രണ്ടാഴ്ചത്തെ സമയമാണ് ട്രംപ് ഇറാന് നല്കിയിരിക്കുന്നത്. എന്നാല് യുഎസുമായി ഒരു ചര്ച്ചയ്ക്കും തയാറല്ല എന്നാണ് ഇറാന്റെ നിലപാട്.
പ്രതികരിക്കാൻ ഇവിടെ എഴുതുക: