കോഴിക്കോട്: ഹമാസ് ഭീകരര്ക്കായി കോഴിക്കോട്ട് പ്രത്യേക പ്രാര്ത്ഥന. തിങ്കളാഴ്ച രാത്രിയില് പാലസ്തീന് ഐക്യദാര്ഢ്യ പ്രാര്ത്ഥനാരാവ് എന്ന പേരില് സോളിഡാരിറ്റി യൂത്ത് മൂവ്മെന്റ് സംഘടിപ്പിച്ച പരിപാടി ജമാഅത്തെ ഇസ്ലാമി കേരള അമീര് പി. മുജീബ് റഹ്മാന് ഉദ്ഘാടനം ചെയ്തു. ഇസ്രയേല് തിരിച്ചടിയില് കൊല്ലപ്പെട്ട ഹമാസ് ഭീകരരായ യഹിയ സിന്വാര്, ഇസ്മായില് ഹനിയ എന്നിവര്ക്കായി പ്രത്യേക പ്രാര്ത്ഥനയും നടന്നു.
ഹമാസ് ഭീകരരെ പോരാളികളായും രക്തസാക്ഷികളായും പ്രഖ്യാപിച്ച സമ്മേളനം അവരെ ഭാരതത്തിന്റെ സ്വാതന്ത്ര്യസമര സേനാനികളുമായി താരതമ്യപ്പെടുത്തുകയും ചെയ്തു. കടല്ത്തീരത്തിന് ഗാസ സ്ട്രീറ്റ് എന്നു പേരിട്ടായിരുന്നു സമ്മേളനം.
ജമാഅത്തെ ഇസ്ലാമി ഹിന്ദ് കേന്ദ്ര ശൂറാ അംഗം ഡോ. അബ്ദുസ്സലാം അഹ്മദ്, മുസ്ലിം ലീഗ് സംസ്ഥാന സെക്രട്ടറി ഷാഫി ചാലിയം, കോഴിക്കോട് ഡിസിസി പ്രസിഡന്റ് അഡ്വ. കെ. പ്രവീണ് കുമാര്, യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിജില് മാക്കുറ്റി, പി.കെ. പാറക്കടവ്, പി. സുരേന്ദ്രന്, മറുവാക്ക് മാഗസിന് എഡിറ്റര് അംബിക എന്നിവരും സമ്മേളനത്തില് പങ്കെടുത്തു. വൈകിട്ട് അഞ്ചു മുതല് രാത്രി 11 വരെയായിരുന്നു പരിപാടി.
