ന്യൂദല്‍ഹി : ബംഗാള്‍ സിപിഎം സംസ്ഥാന ഘടകത്തിന്റെ ഫെയ്സ്ബുക്ക്, ഇന്‍സ്റ്റഗ്രാം അക്കൗണ്ടുകളുടെ പ്രൊഫൈല്‍ ഫോട്ടോകളില്‍ നിന്ന് ചുവപ്പ് അപ്രത്യക്ഷമായി. ചുവപ്പിന് പകരം നീലയാണ് പ്രൊഫൈല്‍ ഫോട്ടോകളുടെ പശ്ചാത്തലത്തില്‍ നല്‍കിയിരിക്കുന്ന നിറം. എന്നാല്‍ ഈ നിറംമാറ്റത്തില്‍ അസ്വാഭാവികമായി ഒന്നുമില്ലെന്നാണ് പാര്‍ട്ടിയുടെ ബംഗാള്‍ നേതൃത്വം വിശദീകരിക്കുന്നത്. പാര്‍ട്ടിയുടെ നിറം ചുവപ്പ് അല്ലെന്ന് കഴിഞ്ഞ ദിവസം കേരളത്തിലെ സിപിഎം സംസ്ഥാന സെക്രട്ടറി എം.വി. ഗോവിന്ദനും അഭിപ്രായപ്പെട്ടിരുന്നു.
ഇന്ത്യയിലും ഇടത് പക്ഷ, കമ്യൂണിസ്റ്റ് പാർട്ടികളുടെ കൊടികളിൽ എല്ലാം ഒഴിവാക്കാനാകാത്ത നിറമാണ് ചുവപ്പ്. എന്നാൽ സമീപ കാലത്ത് ചുവപ്പിന് പഴയതുപോലെ ആളുകളെ ആകർഷിക്കാൻ കഴിയുന്നില്ല. പുതിയ തലമുറയെ സമൂഹ മാധ്യമങ്ങളിൽ ആകർഷിക്കാൻ ചുവപ്പിനെക്കാളും നല്ല നിറം നീലയാണെന്നാണ് ബംഗാളിലെ സിപിഎം വിലയിരുത്തുന്നത്. അതിനാലാണ് പശ്ചിമ ബംഗാൾ സിപിഎം സംസ്ഥാന ഘടകത്തിന്റെ ഫെയ്സ്ബുക്ക്, ഇൻസ്റ്റഗ്രാം അക്കൗണ്ടുകളുടെ പ്രൊഫൈൽ ഫോട്ടോകളിൽ നിന്ന് ചുവപ്പ് ഔട്ട് ആയത്.
പ്രതികരിക്കാൻ ഇവിടെ എഴുതുക: