തിരുവനന്തപുരം: സാങ്കേതിക വിദ്യാഭ്യാസ വകുപ്പിന്റെ കീഴില്‍ വിവിധ ജില്ലകളിലായി പ്രവര്‍ത്തിക്കുന്നു 39 ടെക്നിക്കല്‍ ഹൈസ്‌ക്കൂളുകളിലേക്ക് 2025-26 അധ്യയനവര്‍ഷത്തേക്കുള്ള ഓണ്‍ലൈന്‍ പ്രവേശന നടപടികള്‍ മാര്‍ച്ച് 14 മുതല്‍ ആരംഭിക്കും. 8ാം ക്ലാസിലേക്കാണ് പ്രവേശനം. വിദ്യാര്‍ത്ഥികള്‍ക്ക് www.polyadmission.org/ths വെബ്‌സൈറ്റിലൂടെ ഏപ്രില്‍ 8 വരെ അപേക്ഷ സമര്‍പ്പിക്കാം. അഭിരുചി പരീക്ഷയുടെ അടിസ്ഥാനത്തില്‍ സംവരണ മാനദണ്ഡങ്ങള്‍ പാലിച്ചായിരിക്കും വിദ്യാര്‍ത്ഥികളെ തെരഞ്ഞെടുക്കുന്നത്. 7-ാം ക്ലാസ് നിലവാരത്തിലുള്ള ഇംഗ്ലീഷ്, കണക്ക്, ഫിസിക്സ്, കെമിസ്ട്രി. പൊതു വിജ്ഞാനം, മെന്റല്‍ എബിലിറ്റി എന്നീ വിഷയങ്ങളില്‍ നിന്നുമായിരിക്കും പരീക്ഷയ്‌ക്കുള്ള ചോദ്യങ്ങള്‍ അഭിരുചി പരീക്ഷ ഏപ്രില്‍ 10 രാവിലെ 10 മണി മുതല്‍ 11.30 വരെ അതാത് ടെക്നിക്കല്‍ ഹൈസ്‌ക്കൂളുകളില്‍ നടത്തും. തിരഞ്ഞെടുക്കപ്പെട്ടവരുടെ അന്തിമ പട്ടിക ഏപ്രില്‍ 15 ന് പ്രസിദ്ധീകരിക്കും. പ്രവേശനം സംബന്ധിച്ചുള്ള വിവരങ്ങള്‍ക്ക് www.polyadmission.org/ths വെബ്‌സൈറ്റ് സന്ദര്‍ശിക്കുക. ഫോണ്‍: 0484-2542355.
പ്രതികരിക്കാൻ ഇവിടെ എഴുതുക: