കോയമ്പത്തൂര്‍: പണ്ടൊക്കെ എല്ലാ നഗരത്തില്‍ ഇടയ്‌ക്കിടെ ബോംബ് പൊട്ടുമായിരുന്നു. പൂനെ, ബെംഗളൂരു, ചെന്നൈ…അടുത്തത് ഏത് നഗരത്തിലാണ് ബോംബ് പൊട്ടുക എന്ന ആശങ്കയായിരുന്നു. കഴിഞ്ഞ പത്ത് വര്‍ഷമായി അത് കേള്‍ക്കാനില്ലെന്നും അതിന് കാരണം അമിത് ഷാ ആണെന്നും സദ്ഗുരു.
എല്ലാക്കാലത്തും മന്ത്രിമാരുണ്ടായിട്ടുണ്ട്. പക്ഷെ സ്വാതന്ത്ര്യത്തിന് ശേഷം ഇന്ത്യയ്‌ക്ക് കരുത്തനായ ഒരു മന്ത്രിയുണ്ടായിരുന്നു. അദ്ദേഹം ആഭ്യന്തരമന്ത്രി കൂടിയായിരുന്നു. അദ്ദേഹമില്ലായിരുന്നെങ്കില്‍ നമ്മള്‍ ഒരു രാജ്യമായി ഇത്രത്തോളം ഏകതയോടെ ഇരിക്കില്ലായിരുന്നു. പല നാട്ടുരാജ്യങ്ങളായി വിഭജിച്ചുകിടന്നിരുന്ന ഇന്ത്യയെ ഒരൊറ്റ രാജ്യമാക്കി മാറ്റിയത് ആ മന്ത്രിയാണ്. ആ ആഭ്യന്തരമന്ത്രിയാണ് സര്‍ദാര്‍ വല്ലഭായി പട്ടേല്‍. പിന്നീട് വര്‍ഷങ്ങള്‍ കടന്നുപോയി. അന്ന് സര്‍ദാര്‍ പട്ടേല്‍ ചെയ്ത കാര്യങ്ങള്‍ പിന്നീട് ഇന്ത്യയിലെ മറ്റൊരു ആഭ്യന്തരമന്ത്രി ആവര്‍ത്തിച്ചു. അതാണ് അമിത് ഷാചെയ്തത്. അദ്ദേഹം ഇന്ത്യയെ ഒന്നാക്കി മാറ്റി. ഒരര്‍ത്ഥത്തില്‍ സര്‍ദാര്‍ പട്ടേല്‍ പണ്ട് ചെയ്തതിന്റെ ആവര്‍ത്തനമായിരുന്നു അത്. ഇന്ത്യാമഹാരാജ്യത്തെ ഒന്നായി തുന്നിച്ചേര്‍ക്കുകയായിരുന്നു അമിത് ഷാ. – സദ് ഗുരു പറഞ്ഞു.
പണ്ട് രാജ്യത്തിന്റെ ചില ഭാഗങ്ങള്‍ പട്ടാളം ഭരിയ്‌ക്കേണ്ടി വന്നിരുന്നു. ഇത് അതെല്ലാം നമ്മള്‍ മറികടന്നു എന്നും അതിന് പിന്നില്‍ ഉള്ള ഒരു ശക്തി അമിത് ഷാ ആണ്. കശ്മീരിനെ ഇന്ത്യയുടെ ഭാഗമാക്കി മാറ്റിയതിനു പിന്നിലും അമിത് ഷായുടെ കരങ്ങളുണ്ട്. ചരിത്രപരമായി അറിഞ്ഞോ അറിയാതെയോ വരുത്തിയ തെറ്റുകളെ 370ാം വകുപ്പ് എടുത്ത് കളയുകവഴി അദ്ദേഹം കശ്മീരില്‍ സമാധാനം കൊണ്ടുവന്നു. കശ്മീരില്‍ ഗോള്‍ഫ് കളിക്കാന്‍ വരുമോ എന്ന് വരെ ഇപ്പോള്‍ ആളുകള്‍ എന്നോട് ചോദിക്കുന്നുണ്ട്.സര്‍ദാര്‍ വല്ലഭായ് പട്ടേലിന് ശേഷം ഭാരതത്തെ ഒന്നിപ്പിക്കുന്ന ആഭ്യന്തരമന്ത്രിയാണ് അമിത് ഷാ. ക്രമസമാധാനം, സാങ്കേതിക വിദ്യ, വിദ്യാഭ്യാസം, സാമ്പത്തിക പുരോഗതി ഇതെല്ലാം ക്രമസമാധാനമില്ലെങ്കില്‍ താറുമാറാകും. കൃത്യമായി ആ ജോലി ഭാരതത്തിന്റെ ആഭ്യന്തരമന്ത്രി ചെയ്യുന്നുണ്ട്. – സദ്ഗുരു പറഞ്ഞു.
25-30 വര്‍ഷം മുന്‍പ് ഭാരതത്തിന് ഇല്ലാത്ത ബഹുമാനം ഇപ്പോള്‍ കിട്ടുന്നുണ്ട്. ക്രിസ്ത്യാനികളും മുസ്ലിങ്ങളും ആയ എന്റെ സുഹൃത്തുക്കള്‍ ചോദിച്ചത് ഞങ്ങള്‍ക്ക് ശിവരാത്രിയില്‍ പങ്കെടുക്കാന്‍ പറ്റുമോ എന്നാണ്. ഞാന്‍ പറഞ്ഞു ക്രിസ്ത്യാനികള്‍ക്ക് ശിവരാത്രിയില്‍ പങ്കെടുക്കാന്‍ കഴിയില്ല. മുസ്ലിങ്ങള്‍ക്കും കഴിയില്ല. ഹിന്ദുക്കള്‍ക്ക് തീരെയും പറ്റില്ല. പക്ഷെ മനുഷ്യന് ഇതില്‍ പങ്കെടുക്കാം- സദ്ഗുരു ഇത് പറഞ്ഞപ്പോള്‍ നീണ്ട കരഘോഷം മുഴങ്ങി.
സുഖമായിരിക്കാന്‍ സ്വര്‍ഗ്ഗത്തിലേക്ക് നോക്കൂകയോ, പൂജകള്‍ നടത്തുകയോ ഒന്നുമല്ല ചെയ്യേണ്ടത്, ഉള്ളിലേക്ക് നോക്കുകയാണ് വേണ്ടതെന്ന് സദ് ഗുരു പറഞ്ഞു. ഉള്ളിലേക്ക് നോക്കുന്നതിനെയാണ് യോഗ എന്ന് പറയുന്നത്. ആ യോഗയുടെ ഗുരുവാണ് ശിവന്‍ എന്ന ആദിയോഗി. അദ്ദേഹം പിന്നിലേക്ക് നോക്കനല്ല പറയുന്നത്. ഭാവിയിലേക്ക് നോക്കാനാണ്. മനുഷ്യശരീരം നിറയെ സങ്കീര്‍ണ്ണതകള്‍ ഉള്ള ഒന്നാണ്. നിങ്ങള്‍ മനുഷ്യനാണെങ്കില്‍ ശിവനും ആദിയോഗിയും എല്ലാം നിങ്ങളുടെ ജീവിതത്തില്‍ പ്രസക്തമാണ്. ഇവിടെ അടുത്ത 12 മണിക്കൂര്‍ നേരം മദ്യമില്ല. മയക്കമരുന്നില്ല. യാതൊന്നുമില്ല. പകരം എല്ലാവരും ഈ രാത്രി മുഴുവന‍് ലഹരിയിലായിരിക്കും. ശിവലഹരിയുടെ രാത്രിയായിരിക്കും ഇത്. – അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: