വയനാട്: മാനന്തവാടി കമ്പമല വനപ്രദേശത്ത് വീണ്ടും കാട്ടുതീ. തിങ്കളാഴ്ച തീ പടര്‍ന്ന അതേ പ്രദേശത്ത് തന്നെയാണ് ഇന്ന് വീണ്ടും കാട്ടുതീ പടര്‍ന്നത്.
അഗ്നിശമന സേനസംഘവും വനപാലകരും സ്ഥലത്ത് തീയണക്കാന്‍ ശ്രമിക്കുന്നു. അതേസമയം, തലപ്പുഴയിലെ തീപിടുത്തത്തില്‍ ദുരൂഹതയുണ്ടെന്നും സ്വാഭാവിക തീയല്ല പടരുന്നതെന്നും മാനന്തവാടി ഡിഎഫ്ഒ മാര്‍ട്ടിന്‍ ലോവല്‍ പ്രതികരിച്ചു.
ആരെങ്കിലും തീയിട്ടാല്‍ മാത്രമേ ഇത്തരത്തില്‍ തീ പടരുകയുള്ളൂവെന്ന് ഡിഎഫ്ഒ പറഞ്ഞു. ഉള്‍വനത്തിലെ 10 ഹെക്ടറോളം പുല്‍മേട് ഇന്നലെ ഉണ്ടായ തീപിടുത്തത്തില്‍ കത്തി നശിച്ചിരുന്നു.
പ്രതികരിക്കാൻ ഇവിടെ എഴുതുക: