ഇടുക്കി: മലപ്പുറം, ഇടുക്കി ജില്ലകളില്‍ തെരുവുനായ ആക്രമണത്തില്‍ കുട്ടികളടക്കം ഒമ്പത് പേര്‍ക്ക് പരിക്ക്. ഇടുക്കി വണ്ടിപ്പെരിയാറില്‍ തെരുവുനായ ആക്രമണത്തില്‍ രണ്ട് കുട്ടികള്‍ക്ക് പരിക്കേറ്റു. വണ്ടിപ്പെരിയാര്‍ മഞ്ചുമല സ്വദേശി ശരവണന്റെ മകള്‍ മൂന്നു വയസുള്ള സഞ്ചിനി, വള്ളക്കടവില്‍ താമസിക്കുന്ന ആലോഗിന്റെ മകള്‍ അഞ്ചു വയസുള്ള നിഹ എന്നിവര്‍ക്കാണ് പരിക്കേറ്റത്.
മാതാപിതാക്കള്‍ക്കൊപ്പം പശുമല ജംഗ്ഷന് സമീപം റോഡരികില്‍ ഇരുന്നപ്പോഴാണ് സഞ്ചിനിയെ തെരുവ് നായ ആക്രമിച്ചത്. മുഖത്തിന് പരിക്കേറ്റ കുട്ടിയെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. വണ്ടിപ്പെരിയാര്‍ ജംഗ്ഷന് സമീപത്ത് വച്ചാണ് നിഹയെ തെരുവുനായ ആക്രമിച്ചത്.
മലപ്പുറം പുത്തനങ്ങാടിയില്‍ തെരുവുനായുടെ കടിയേറ്റ് പിഞ്ചുകുഞ്ഞടക്കം ഏഴു പേര്‍ക്കാണ് പരിക്കേറ്റത്. പരിക്കേറ്റവരെ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മൂന്നു മാസം പ്രായമായ കുഞ്ഞിനെ പെരിന്തല്‍മണ്ണ എം.ഇ.എസ് മെഡിക്കല്‍ കോളേജ് ആശുപത്രിയിലാണ് പ്രവേശിപ്പിച്ചത്.
പ്രതികരിക്കാൻ ഇവിടെ എഴുതുക: