മലപ്പുറം:സംസ്ഥാനമൊട്ടാകെ നടന്ന സി എസ് ആര് ഫണ്ട് തട്ടിപ്പില് നജീബ് കാന്തപുരം എംഎല്എക്കെതിരെ പെരിന്തല്മണ്ണ പൊലീസ് കേസെടുത്തു. പുലാമന്തോള് സ്വദേശിനി അനുപമയുടെ പരാതിയിലാണ് പൊലീസ് കേസെടുത്തത്.
വഞ്ചനക്കുറ്റമാണ് മുസ്ലീം ലീഗ് എംഎല്എയ്ക്കെതിരെ ചുമത്തിയിട്ടുള്ളത്.പ്രതി അനന്തുകൃഷണനെ ആലുവ പൊലീസ് ക്ലബില് റേഞ്ച് ഡിഐജിയും റൂറല് എസ് പിയും ഒരുമിച്ച് ചോദ്യം ചെയ്തു. സി എസ് ആര് ഫണ്ടുമായി ബന്ധപ്പെട്ട് 450 കോടി രൂപയുടെ തട്ടിപ്പ് നടന്നെന്നാണ് നിലവിലെ നിഗമനം.
അനന്തുകൃഷ്ണന്റെ നാല് ബാങ്ക് അക്കൗണ്ടുകള് പൊലീസ് മരവിപ്പിച്ചിട്ടുണ്ട്. ബിനാമി അക്കൗണ്ടുകള്പ്പെടെ മറ്റ് അക്കൗണ്ടുകളുടെ വിവരങ്ങള് ശേഖരിക്കുകയാണ് പൊലീസ്. ബന്ധുക്കളുടെ പേരിലേക്ക് പണം മാറ്റിയതായും കണ്ടെത്തിയിട്ടുണ്ട്. ഈ അക്കൗണ്ടുകളും ഉടന് മരവിപ്പിക്കും.
ഇടുക്കിയിലും പാലായിലും സഥലം വാങ്ങിയതായും, വാഹനങ്ങള് വാങ്ങിയതായും അനന്തുകൃഷ്ണന് മൊഴി നല്കിയിട്ടുണ്ട്.
