ആലപ്പുഴ: നെന്മാറ ഇരട്ടക്കൊലപാതക കേസില് പൊലീസിനും ആഭ്യന്തരവകുപ്പിനും നേരെ രൂക്ഷ വിമര്ശനം നടത്തി മുതിര്ന്ന സിപിഎം നേതാവും മുന് മന്ത്രിയുമായ ജി സുധാകരന്.
സമൂഹത്തില് അരാജകത്വം പടര്ന്നുകൊണ്ടിരിക്കുകയാണെന്നും എന്നാല് പൊലീസ് അത് വകവയ്ക്കുന്നില്ലെന്നും സുധാകരന് കുറ്റപ്പെടുത്തി. പൊലീസ് സ്റ്റേഷനില് ഒരു പരാതി നല്കിയിട്ട് അതില് വേണ്ട നടപടിയെടുക്കാത്തതുകൊണ്ടല്ലേ പാലക്കാട്ട് രണ്ടുപേരെ വെട്ടിക്കൊന്നതെന്ന് ജി സുധാകരന് ചോദിച്ചു. ചെയ്യേണ്ട കാര്യം ചെയ്താല് ആര്ക്കും നന്നായി ഭരിക്കാന് സാധിക്കും .അമ്പലപ്പുഴയിലെ പൊതുവേദിയില് സംസാരിക്കുകയായിരുന്നു ജി സുധാകരന്.
കൃത്യനിര്വഹണത്തില് വീഴ്ച വരുത്തിയ പൊലീസുകാര്ക്ക് സസ്പെന്ഷന് നല്കുക എന്നത് വലിയ ശിക്ഷയല്ല. സസ്പെന്ഷന് കഴിയുമ്പോള് കൂടുതല് ശമ്പളത്തോടെ അവര്ക്ക് ജോലി ചെയ്യാനാകും. പലരും എന്നെയൊന്ന് സസ്പെന്ഡ് ചെയ്യണേ എന്ന് ആവശ്യപ്പെടുന്ന കാലമാണിതെന്നും സുധാകരന് പറഞ്ഞു.
