തിരുവനന്തപുരം:മാധ്യമ പ്രവര്‍ത്തകന്‍ കെ.എം.ബഷീറിനെ വാഹനം ഇടിച്ചു കൊലപ്പെടുത്തിയ കേസില്‍ വിചാരണ തിരുവനന്തപുരം നാലാം അഡീഷണല്‍ സെഷന്‍സ് കോടതിയില്‍ നടക്കും. പ്രതിഭാഗം അഭിഭാഷകന്‍ രാമന്‍പിള്ളയുടെ ഹര്‍ജി പരിഗണിച്ചാണ് ഇത്.
രണ്ടാം നിലയിലെ കോടതിയില്‍ കയറാന്‍ ആരോഗ്യപ്രശ്‌നം ഉണ്ടെന്ന് കാട്ടി രാമന്‍പിള്ള ഹര്‍ജി സമര്‍പ്പിച്ചിരുന്നു.2019 ആഗസ്റ്റ് മൂന്ന് വെളുപ്പിന് ഒരു മണിക്കാണ് ഐ.എ.എസ് ഉദ്യോഗസ്ഥനായ ശ്രീറാം വെങ്കിട്ടരാമനും സുഹൃത്തായ വഫയും സഞ്ചരിച്ചിരുന്ന കാര്‍ ഇടിച്ചു മാധ്യമപ്രവര്‍ത്തകന്‍ കെ എം. ബഷീര്‍ കൊല്ലപ്പെട്ടത്.
സിറാജ് ദിനപ്പത്രത്തില്‍ പ്രവര്‍ത്തിച്ച് വരികയായിരുന്നു കെ എം. ബഷീര്‍. രാത്രി ജോലി കഴിഞ്ഞ മടങ്ങവെയാണ് അലക്ഷ്യമായി ശ്രീറാം വെങ്കിട്ടരാമന്‍ ഓടിച്ച കാര്‍ ഇടിച്ച് മരിച്ചത്. മ്യൂസിയത്തിന് സമീപമായിരുന്നു അപകടം.
പ്രതികരിക്കാൻ ഇവിടെ എഴുതുക