ന്യൂദല്ഹി: വിഭവങ്ങൾ ശോഷിക്കാതെയും ആത്മാവ് നഷ്ടപ്പെടുത്താതെയും ദശലക്ഷക്കണക്കിന് ആളുകളെ സേവിക്കുന്ന, നൂറ്റാണ്ടുകളായി വിജയകരമായി നടക്കുന്ന ഒരു ആത്മീയ സമ്മേളനമാണ് കുംഭമേളയെന്ന് അദാനി. ഇന്ത്യയുടെ വളർച്ചയുടെ കാര്യം പറയുമ്പോൾ വലിയ തുറമുഖങ്ങളോ ഊർജ പാർക്കുകളോ അല്ല ഉയർത്തിക്കാട്ടേണ്ടത്, മറിച്ച് ജനങ്ങളുടെ ജീവിതത്തിൽ നാം കൈവരിക്കുന്ന പുരോഗതിയാണെന്നും അദാനി. ലിങ്ക് ഡ് ഇന് എന്ന സമൂഹമാധ്യമത്തില് പങ്കുവെച്ച ലേഖനത്തിലാണ് അദാനി ഇക്കാര്യം സൂചിപ്പിക്കുന്നത്.
കുംഭമേളയെന്നത് ഒരു മതപരമായ കൂടിച്ചേരൽ അല്ല, മറിച്ച് സുസ്ഥിര നാഗരികതയുടെ ഒരു രൂപരേഖയാണെന്ന് ഗൗതം അദാനി. എന്നെ സംബന്ധിച്ച് ഇന്ത്യയുടെ യഥാർത്ഥ വിജയം സാമ്പത്തിക നേട്ടങ്ങളല്ല, മറിച്ച് ആളുകളുടെ മനസ്സിൽ നാം ചെലുത്തുന്ന സ്വാധീനമാണെന്നതാണ് കുംഭമേള ഓർമ്മിപ്പിക്കന്നത്. കുംഭമേളയില് ഇന്ത്യയുടെ മൃദുശക്തിയുടെ അന്തസത്ത നാം കാണുന്നു. അധിനിവേശത്തിലല്ല, മറിച്ച് ബോധത്തിലാണ്, ആധിപത്യത്തിലല്ല, സേവനത്തിലാണ് അത് അടങ്ങിയിരിക്കുന്നത്. – അദാനി പറയുന്നു.
ഇന്ത്യയുടെ യഥാർത്ഥ ശക്തി അതിന്റെ ആത്മാവിലാണ്, അവിടെ വളർച്ച എന്നത് സാമ്പത്തിക ശക്തി മാത്രമല്ല, മനുഷ്യബോധത്തിന്റെയും സേവനത്തിന്റെയും സംഗമമാണ്. യഥാർത്ഥ പൈതൃകം എന്നത് നിർമ്മിച്ച ഘടനകളിലല്ല, മറിച്ച് നമ്മൾ നിർമ്മിക്കുന്ന ബോധത്തിലാണ് എന്ന പാഠമാണ് കുംഭമേള നമ്മെ പഠിപ്പിക്കുന്നത്. – അദാനി പറയുന്നു.
