തൃശൂര്‍ :കാലിക്കറ്റ് സര്‍വകലാശാല ഡി സോണ്‍ കലോത്സവത്തില്‍ കെഎസ്‌യു-എസ്എഫ്ഐ പ്രവര്‍ത്തകര്‍ തമ്മില്‍ ഏറ്റുമുട്ടുകയും ഇരുഭാഗത്തുമുളള നിരവധി വിദ്യാര്‍ത്ഥികള്‍ക്ക് പരിക്കേല്‍ക്കുകയും ചെയ്ത സംഭവത്തില്‍ പൊലീസ് കേസെടുത്തു.
മാള ഹോളി ഗ്രേസ് കോളേജില്‍ നടന്ന കലോത്സവം സംഘര്‍ഷത്തെ തുടര്‍ന്ന് നിര്‍ത്തിവച്ചു.
സ്‌കിറ്റ് മത്സരത്തിന് പിന്നാലെയാണ് സംഘര്‍ഷമുണ്ടായത്.പൊലീസെത്തി ലാത്തിവീശിയതോടെയാണ് സംഘര്‍ഷം അയഞ്ഞത്.
മത്സരങ്ങള്‍ വളരെ വൈകി തുടങ്ങിയതിനെ എസ് എഫ് ഐ ചോദ്യംചെയ്തിന് പിന്നാലെ ക്രൂരമായ രീതിയിലുളള ആക്രമണങ്ങളുണ്ടായി.
കേരളാ വര്‍മ്മ കോളേജിലെ എസ് എഫ് ഐ പ്രവര്‍ത്തകനെ കെഎസ് യു പ്രവര്‍ത്തകര്‍ ആക്രമിക്കുന്നതിന്റെ വീഡിയോ ദൃശ്യങ്ങള്‍ പുറത്ത് വന്നു. നിലത്ത് വീണ വിദ്യാര്‍ത്ഥിയെ കസേരകളും വടിയും കൊണ്ട് വളഞ്ഞിട്ട് അടിക്കുന്നതിന്റെ ദൃശ്യങ്ങളടക്കമാണ് പുറത്ത് വന്നത്. കെ എസ് യു പ്രവര്‍ത്തകരെ എസ് എഫ് ഐക്കാര്‍ ആക്രമിക്കുന്ന ദൃശ്യങ്ങളും പുറത്തു വന്നു.
പരിക്കേറ്റ കെ എസ് യു നേതാക്കളെ ആശുപത്രിയിലേക്ക് കൊണ്ടുപോയ ആംബുലന്‍സ് കൊരട്ടിയില്‍ വച്ച് ആക്രമിച്ചു.ഈ സംഭവത്തില്‍ കണ്ടാലറിയുന്ന നാല് പേര്‍ക്കെതിരെ കേസെടുത്തു.
അതിനിടെ കേരള വര്‍മ്മ കോളേജിലെ കെ എസ് യുവിന്റെ കൊടികള്‍ കൂട്ടിയിട്ട് എസ് എഫ് ഐക്കാര്‍ കത്തിച്ചു
പ്രതികരിക്കാൻ ഇവിടെ എഴുതുക: