ന്യൂഡൽഹി : ഡൽഹിയിൽ ബിജെപി അധികാരത്തിലേറിയാൽ അനധികൃത ബംഗ്ലാദേശി , റോഹിംഗ്യകളെ പുറത്താക്കുമെന്ന് ആഭ്യന്തരമന്ത്രി അമിത് ഷാ. നരേല നിയമസഭാ മണ്ഡലത്തിൽ പൊതുയോഗത്തിൽ പ്രസംഗിക്കുകയായിരുന്നു അമിത് ഷാ .
ബിജെപി എല്ലാ തിരഞ്ഞെടുപ്പ് വാഗ്ദാനങ്ങളും നിറവേറ്റുമെന്നും ഡൽഹിയെ ലോകത്തിലെ ഒന്നാം നമ്പർ തലസ്ഥാനമാക്കുമെന്നും അമിത് ഷാ പറഞ്ഞു.
‘ ജില്ലാ ഭരണകൂടത്തിന്റെ സഹായത്തോടെ നിയമവിരുദ്ധ ബംഗ്ലാദേശികൾക്കും, റോഹിംഗ്യകൾക്കും ആം ആദ്മി സർക്കാർ അഭയം നൽകി . വോട്ട് നേടാൻ വേണ്ടി മാത്രമാണ് കെജ്രിവാൾ കള്ളം പറഞ്ഞത്.ഡൽഹി മുഴുവൻ ഇന്ന് മലിനജല വിതരണവും വെള്ളക്കെട്ടും കൊണ്ട് ബുദ്ധിമുട്ടുകയാണ്. ആശുപത്രികളിൽ മതിയായ സൗകര്യങ്ങളില്ല .
കഴിഞ്ഞ ദശകത്തിൽ കെജ്രിവാളിന്റെ ഭരണത്തിൻ കീഴിൽ ഡൽഹിയിലെ ഭരണം വഷളായി. ബിജെപി നയിക്കുന്ന സംസ്ഥാനങ്ങൾ പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ പുരോഗതി കൈവരിക്കുകയും ചെയ്തു. പ്രധാനമന്ത്രി മോദി എപ്പോഴും ചെയ്യുന്നത് മാത്രമേ പറയൂ . രാജ്യം അദ്ദേഹത്തിൽ വിശ്വാസം അർപ്പിച്ച് തുടർച്ചയായ മൂന്നാം തവണയും അദ്ദേഹത്തെ പ്രധാനമന്ത്രിയാക്കി “അനുഗ്രഹിച്ചു” .ഡൽഹിയിലും അദ്ദേഹത്തെ ഒരിക്കൽ അനുഗ്രഹിക്കൂ. ഡൽഹി ലോകത്തിലെ ഒന്നാം നമ്പർ തലസ്ഥാനമായി മാറും.രണ്ട് വർഷത്തിനുള്ളിൽ അനധികൃത ബംഗ്ലാദേശി കുടിയേറ്റക്കാരിൽ നിന്നും റോഹിംഗ്യകളിൽ നിന്നും ഡൽഹിയെ ഞങ്ങൾ മോചിപ്പിക്കും‘ – അമിത് ഷാ കൂട്ടിച്ചേർത്തു.
