ന്യൂദല്ഹി:റഷ്യന് കൂലിപ്പട്ടാളത്തില് ചേര്ന്ന് യുക്രൈനെതിരായ യുദ്ധത്തില് പങ്കെടുത്ത മലയാളികള് മരിച്ച സംഭവത്തില് മൂന്ന് ഏജന്റുമാര് അറസ്റ്റില്. എറണാകുളം സ്വദേശി സന്ദീപ് തോമസ്,ചാലക്കുടി സ്വദേശി സുമേഷ്,തൃശുര് സ്വദേശി സിബി എന്നിവരെ വടക്കാഞ്ചേരി പൊലീസാണ് അറസ്റ്റ് ചെയ്തത്.
മനുഷ്യക്കടത്ത്, വഞ്ചന എന്നീ കുറ്റങ്ങള് ചുമത്തിയാണ് ഇവരെ അറസ്റ്റ് ചെയ്തത്.
റഷ്യന് സൈന്യത്തില് ചേര്ന്ന 12 ഇന്ത്യക്കാര് ഇതുവരെ കൊല്ലപ്പെട്ടെന്ന് വിദേശകാര്യ മന്ത്രാലയം കഴിഞ്ഞ ദിവസം വെളിപ്പെടുത്തിയിരുന്നു. പതിനെട്ട് പേരില് 16 പേരെ കുറിച്ച് വിവരമില്ലെന്നും വിദേശകാര്യ വക്താവ് രണ്ധീര് ജയ്സ്വാള് പറഞ്ഞിരുന്നു.
റഷ്യന് സൈന്യത്തില് ചേര്ന്നത് 126 ഇന്ത്യാക്കാരാണ്. ഇതില് 96 പേരെ ഇതിനോടകം തിരികെ എത്തിച്ചെന്ന് കേന്ദ്രം അറിയിച്ചു. കൊല്ലപ്പെട്ട മലയാളി ബിനില് ബാബുവിന്റെ മൃതദേഹം തിരികെ എത്തിക്കാന് ശ്രമം തുടരുകയാണ്.കഴിഞ്ഞയാഴ്ച റഷ്യയില് ഷെല്ലാക്രമണത്തിലാണ് തൃശൂര് കുട്ടനെല്ലൂര് സ്വദേശിയായ ബിനില് ബാബു കൊല്ലപ്പെട്ടത്.
യുദ്ധത്തില് പരിക്കേറ്റ മലയാളിയായ ജയിന് കുര്യന് മോസ്കോയില് ചികിത്സയിലാണ്. ബിനിലിന്റെ ബന്ധു കൂടിയായ്ണ് ജയിന് കുര്യന്. ഇലക്ട്രീഷ്യന് ജോലി ചെയ്യുന്ന ഇരുവരും റിക്രൂട്ടിംഗ് ചതിയില്പെട്ടാണ് റഷ്യന് കൂലിപ്പട്ടാളത്തിലെത്തിയത്.
