തിരുവനന്തപുരം: സംസ്ഥാന സ്കൂള് കലോത്സവം സമാപിക്കുന്ന ബുധനാഴ്ച തിരുവനന്തപുരം ജില്ലയിലെ മുഴുവന് സ്കൂളുകള്ക്കും അവധി പ്രഖ്യാപിച്ചു. എല്ലാ സര്ക്കാര്, എയ്ഡഡ്, അണ്എയ്ഡഡ് സ്കൂളുകള്ക്കും അവധി ബാധകമായിരിക്കുമെന്ന് പൊതുവിദ്യാഭ്യാസ ഡയറക്ടര് അറിയിച്ചു.
നേരത്തെ വേദികള്ക്കും താമസ സൗകര്യം ഒരുക്കിയ സ്കൂളുകള്ക്കും വാഹനങ്ങള് വിട്ടുകൊടുത്ത സ്കൂളുകള്ക്കും മൂന്നു ദിവസം അവധി നല്കിയിരുന്നു.
മറ്റു സ്കൂളിലെ കുട്ടികള്ക്ക് കലോത്സവം കാണാന് അവസരം വേണമെന്ന ആവശ്യം വന്ന പശ്ചാത്തലത്തിലാണ് അവധി നല്കുന്നത്. സംസ്ഥാന സ്കൂള് കലോത്സവത്തിന് നാളെ തിരശ്ശീല വീഴാനിരിക്കെ സ്വര്ണക്കപ്പിന് വേണ്ടി ഇഞ്ചോടിഞ്ച് പോരാട്ടമാണ്. കണ്ണൂരും തൃശൂരും ഒന്നാം സ്ഥാനത്ത് തുടരുന്നു.
