മുംബൈ: അയര്‍ലന്‍ഡിനെതിരായ ഏകദിന പരമ്പരക്കുള്ള ഭാരത വനിതാ ക്രിക്കറ്റ് ടീമില്‍ മലയാളി താരം മിന്നു മണി ഇടം നേടി. ക്യാപ്റ്റന്‍ ഹര്‍മന്‍ പ്രീതിനു വിശ്രമം അനുവദിച്ചു. പകരം സ്മൃതി മന്ദാനയാണ് നയിക്കുന്നത്. പേസര്‍ രേണുക താക്കൂറിനും വിശ്രമമനുവദിച്ചു.
ഓപ്പണര്‍ ഷഫാലി വര്‍മയെ 15 അംഗ ടീമില്‍നിന്ന് ഒരിക്കല്‍ക്കൂടി ഒഴിവാക്കി. പരിക്കേറ്റ് വിശ്രമത്തിലുള്ള പൂജ വസ്ട്രക്കറെയും ടീമിലേക്ക് പരിഗണിച്ചില്ല. ദീപ്തി ശര്‍മയാണ് വൈസ് ക്യാപ്റ്റന്‍. വെസ്റ്റ് ഇന്‍ഡീസിനെതിരായ ടി20 പരമ്പരക്കിടെ കാല്‍മുട്ടിനേറ്റ പരിക്കിനെത്തുടര്‍ന്ന് ഹര്‍മന്‍പ്രീതിന് അവസാന രണ്ട് ടി20 മത്സരങ്ങളില്‍ കളിക്കാനായിരുന്നില്ല.ഈ മാസം 10നാണ് മൂന്നു മത്സരങ്ങളടങ്ങിയ ഭാരത-അയര്‍ലന്‍ഡ് ഏകദിന പരമ്പര ആരംഭിക്കുന്നത് രാജ്കോട്ട് ആണ് വേദി.
ടീം: സ്മൃതി മന്ദാന (ക്യാപ്റ്റന്‍), ദീപ്തി ശര്‍മ (വൈസ് ക്യാപ്റ്റന്‍), പ്രതീക റാവല്‍, ഹര്‍ലീന്‍ ഡിയോള്‍, ജെമീമ റോഡ്രിഗസ്, ഉമാ ചേത്രി, റിച്ച ഘോഷ്, തേജല്‍ ഹസാബ്നിസ്, രാഘ്വി ബിസ്റ്റ്, മിന്നു മണി, പ്രിയ മിശ്ര, തനൂജ കന്‍വര്‍, ടിറ്റാസ് സാധു, സൈമ താക്കൂര്‍, സയാലി സത്ഘരെ.
പ്രതികരിക്കാൻ ഇവിടെ എഴുതുക: