കാസര്‍കോഡ് : പെരിയ ഇരട്ട കൊലക്കേസില്‍ ശിക്ഷിക്കപ്പെട്ട പ്രതികളുടെ വീട്ടിലെത്തി ഐക്യദാര്‍ഢ്യം പ്രകടിപ്പിച്ച് സിപിഎം നേതാക്കള്‍. കാസര്‍ഗോഡ് ജില്ലാ സെക്രട്ടറി എം വി ബാലകൃഷ്ണന്‍, എംഎല്‍എമാരായ സി. എച്ച് കുഞ്ഞമ്പു, ജില്ലാ കമ്മിറ്റി അംഗം കെ കുഞ്ഞിരാമന്‍ എന്നിവരാണ് പ്രതികളുടെ വീട്ടിലെത്തിയത്.
ശിക്ഷിക്കപ്പെട്ട പ്രതികളുടെയും കേസില്‍ വെറുതെ വിട്ടവരുടെയും വീട്ടില്‍ നേതാക്കള്‍ എത്തി.
അതിനിടെ , പെരിയ കേസില്‍ ശിക്ഷിക്കപ്പെട്ട മുന്‍ എം എല്‍ എ കെ വി കുഞ്ഞിരാമന്‍ ഉള്‍പ്പെടെയുള്ള കുറ്റവാളികളെ കണ്ണൂരിലെ ജയിലില്‍ എത്തിച്ചു. വിയ്യൂര്‍ ജയിലില്‍ നിന്നും ഒമ്പത് പ്രതികളെയും കാക്കനാട് ജില്ലാ ജയിലില്‍ നിന്നും അഞ്ച് പേരെയും കണ്ണൂര്‍ ജയിലിലേക്ക് മാറ്റി. പ്രതികള്‍ നല്‍കിയ അപേക്ഷ പരിഗണിച്ച സിബിഐ കോടതി നിര്‍ദ്ദേശിച്ച പ്രകാരമാണ് ജയില്‍ മാറ്റം.
പ്രതികളെ കണ്ണൂര്‍ സെന്‍ട്രല്‍ ജയിലില്‍ എത്തിച്ചപ്പോള്‍ കാത്തു നിന്ന സി പി എം പ്രവര്‍ത്തകര്‍ മുദ്രാവാക്യം വിളിയോടെയാണ് സ്വീകരിച്ചത്. ജയില്‍ ഉപദേശക സമിതി അംഗവും സിപിഎം സംസ്ഥാന സമിതി അംഗവുമായ പി.ജയരാജന്റെ നേതൃത്വത്തിലായിരുന്നു സ്വീകരണം.
പ്രതികരിക്കാൻ ഇവിടെ എഴുതുക: