പ്രയാഗ്രാജ് ; വിവിധ സാഹചര്യങ്ങളിൽ സനാതന ധർമ്മത്തിൽ നിന്ന് മതം മാറിയ നൂറുകണക്കിനാളുകൾ മഹാകുംഭമേളയിൽ പങ്കെടുത്ത് ഹിന്ദുമതത്തിലേയ്ക്ക് മടങ്ങുമെന്ന് സൂചന . അഖില ഭാരതീയ അഖാര പരിഷത്ത് പ്രസിഡൻ്റ് മഹന്ത് രവീന്ദ്ര ഗിരി മഹാരാജാണ് ഇക്കാര്യം വ്യക്തമാക്കിയത്.
വിദേശ ആക്രമണകാരികളുടെ ക്രൂരതകൾ ഭയന്ന് സനാതന ധർമ്മത്തിൽ നിന്ന് വ്യത്യസ്ത സമയങ്ങളിൽ കുടുംബവും ജീവിതവും സംരക്ഷിക്കുന്നതിനായി വേർപിരിഞ്ഞ ആളുകൾ ഇസ്ലാം സ്വീകരിച്ചിരുന്നു . അത്തരം ആളുകൾ ഇന്ന് അസ്വസ്ഥരാണ്. രാമനാണ് ഞങ്ങളുടെ ജീവനെന്നും ഹിന്ദുമതത്തിലേയ്ക്ക് വരണമെന്നുമാണ് അവർ ഇപ്പോൾ പറയുന്നത്.
ഇവരെ എല്ലാവരെയും ഞങ്ങൾ സ്വാഗതം ചെയ്യുകയും ബഹുമാനിക്കുകയും ചെയ്യുന്നു, ഗംഗാ മാതാവിൽ കുളിച്ച് നമുക്ക് സനാതന ധർമ്മത്തിലേക്ക് മടങ്ങാം. ഇതിനെ മതപരിവർത്തനം എന്ന് വിളിക്കുന്നവർ മതമൗലികവാദികളും സനാതന വിരുദ്ധരും മനുഷ്യത്വ വിരുദ്ധരുമാണ്. ലോകത്ത് സമാധാനം സ്ഥാപിക്കാൻ അവൻ ആഗ്രഹിക്കുന്നില്ല.‘ എന്നും രവീന്ദ്ര ഗിരി മഹാരാജ് പറഞ്ഞു.
മഹാകുംഭമേളയിൽ പങ്കെടുത്ത് മുസ്ലീങ്ങൾ മതം മാറുമോയെന്ന് ഭയമുണ്ടെന്ന് കഴിഞ്ഞദിവസം അഖിലേന്ത്യാ മുസ്ലിം ജമാഅത്ത് പറഞ്ഞിരുന്നു . ഇത്തരം പരിപാടികൾ നിരോധിക്കണമെന്ന് ആവശ്യപ്പെട്ട് ജമാഅത്ത് പ്രസിഡൻ്റ് മൗലാന മുഫ്തി ഷഹാബുദ്ദീൻ റസ്വി ബറേൽവി ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് കത്തും അയച്ചിരുന്നു.
പ്രതികരിക്കാൻ ഇവിടെ എഴുതുക