തിരുവനന്തപുരം: ഭാരതീയശാസ്ത്രവും സംസ്കൃതവും: വികസിത ഭാരതത്തിന്റെ ദിശ’ എന്ന വിഷയത്തിൽ തിരുവനന്തപുരത്ത് അന്താരാഷ്ട സെമിനാറിന് ഉജ്ജ്വല തുടക്കം. രാജീവ് ഗാന്ധി സെന്റർ ഫോർ ബയോടെക്നോളജിൽ അഖില ഭാരതീയ രാഷ്ട്രീയശൈക്ഷിക മഹാസംഘിന്റെ നേതൃത്വത്തിൽ നടക്കുന്ന സെമിനാറിന്റെ തുടക്കം സരസ്വതി വന്ദനത്തിനു ശേഷം അതിഥികൾ നിലവിളക്കുകൾ തെളിയച്ചതോടെ ആയിരുന്നു.
പ്രൊഫ. ഗീത ഭട്ട് (ഡയറക്ടർ, നോൺ കോളീജിയറ്റ് വിമൻസ് എജ്യുക്കേഷൻ ബോർഡ്, ന്യൂഡൽഹി), പ്രൊഫ. റാണി സദാശിവൻ മൂർത്തി (വൈസ് ചാൻസലർ, ശ്രീ വെങ്കിടേശ്വര വേദിക് യൂണിവേഴ്സിറ്റി, തിരുപ്പതി), ജി. ലക്ഷ്മൺ (അഖിലേന്ത്യാ ജോയിന്റ് ഓർഗനൈസിങ് സെക്രട്ടറി, രാഷ്ട്രീയശൈക്ഷിക മഹാസംഘ്), പ്രൊഫ. എൻ. പഞ്ചനാഥം (വൈസ് ചാൻസലർ, ഗാന്ധിഗ്രാം റൂറൽ ഇൻസ്റ്റിറ്റ്യൂട്ട്, തമിഴ്നാട്), പ്രൊഫ. പ്രസാദ് കൃഷ്ണ (ഡയറക്ടർ, എൻഐടി കാലിക്കറ്റ്), ഡോ. സുധാകർ റെഡ്ഡി (ഡയറക്ടർ, ഐസിഎസ്എസ്ആർ), ഡോ. മോഹനൻ കുന്നുമ്മൽ (വൈസ് ചാൻസലർ, കേരള യൂണിവേഴ്സിറ്റി), പ്രൊഫ. സയ്യിദ് ഐനുൽ ഹസൻ (വൈസ് ചാൻസലർ, മൗലാന ആസാദ് നാഷണൽ ഉറുദു സർവകലാശാല), പ്രൊഫ. ചന്ദ്രഭാസ് നാരായൺ (ഡയറക്ടർ, ആർജിസിബി, തിരുപ്പ്) എന്നിവരാണ് ദീപം തെളിച്ചത്.
അധ്യക്ഷ പ്രസംഗത്തിൽ പ്രൊഫ. റാണി സദാശിവൻ മൂർത്തി, ഭാരതീയശാസ്ത്രവും ശാസ്ത്രവുമായുള്ള ബന്ധത്തെക്കുറിച്ചും ഇവ സംയോജിപ്പിച്ച് ഭാവി ദിശയെ കണ്ടെത്താൻ കഴിയുമെന്നും, പ്രാദേശികവും ആഗോളവുമായ പ്രശ്നങ്ങളെ പരിഹരിക്കാൻ ഇത് സഹായകമായിരിക്കുമെന്നും വിശ്വാസം പ്രകടിപ്പിച്ചു.
ഭാരതിന്റെ ബൗദ്ധികസാമ്പത്തിക പൈതൃകത്തെക്കുറിച്ചുള്ള ശ്രദ്ധേയമായ ചരിത്ര വീക്ഷണം വൈസ്ചാൻസലർ ഡോ. മോഹനൻ കുന്നുമ്മൽ അവതരിപ്പിച്ചു. 500 വർഷങ്ങൾക്ക് മുമ്പ് ഭാരത് ജിഡിപിയിൽ ലോകത്തെ നയിച്ചിരുന്നുവെന്നും വ്യാവസായികവും കാർഷികവുമായ ശക്തികേന്ദ്രമായിരുന്നുവെന്നും അദ്ദേഹം അഭിപ്രായപ്പെട്ടു. യുഎസിൽ ഉപയോഗിക്കുന്ന 40% മരുന്നുകളും 80% എച്ച്ഐവി വാക്സിനുകളും ഭാരതത്തിൽ നിന്നാണ് ഉത്ഭവിക്കുന്നതെന്നും ശാസ്ത്രസാങ്കേതിക രംഗത്ത് ഭാരതത്തിന്റെ ഇന്നത്തെ മുന്നേറ്റം ഡോ. കുന്നുമ്മൽ എടുത്തുപറഞ്ഞു. നടക്കുമ്പോൾ വന്നുകൊണ്ടിരിക്കുന്ന നാലാമത്തെ വ്യാവസായിക വിപ്ലവമായ വിവര സാങ്കേതിക രംഗത്തും പ്രതീക്ഷിക്കുന്ന അഞ്ചാം വ്യാവസായിക വിപ്ലവമായ ആർട്ടിഫിഷൽ ഇന്റലിജൻസ് രംഗത്തും ഭാരതമാണ് മുന്നിലെന്നും അദ്ദേഹം പറഞ്ഞു.
ഭാരതത്തിന്റെ സാംസ്കാരികവും ശാസ്ത്രീയവുമായ അറിവുകൾ പ്രോത്സാഹിപ്പിക്കുന്നതിനുള്ള അഖില ഭാരതീയ രാഷ്ട്രീയശൈക്ഷിക മഹാസംഘിന്റെ 37 വർഷത്തെ പ്രതിബദ്ധതയെ ന്യൂഡൽഹിയിലെ നോൺ കോളീജിയറ്റ് വിമൻസ് എജ്യുക്കേഷൻ ബോർഡ് ഡയറക്ടർ പ്രൊഫ. ഗീത ഭട്ട് പ്രശംസിച്ചു. 12 ലക്ഷം അംഗങ്ങളുള്ള 29 സംസ്ഥാനങ്ങളിൽ വ്യാപിച്ചുകിടക്കുന്ന എബിആർഎസ്എമ്മിന്റെ വിപുലമായ വ്യാപ്തിയും അക്കാദമിക് വിദഗ്ധർ അഭിമുഖീകരിക്കുന്ന പ്രശ്നങ്ങൾ പരിഹരിക്കാനുള്ള അതിന്റെ അശ്രാന്ത പരിശ്രമവും എടുത്തുപറഞ്ഞു. ഭാരതിന്റെ പാരമ്പര്യങ്ങളിലെ ആചാരങ്ങൾ പലപ്പോഴും യുക്തിപരവും ശാസ്ത്രീയവുമായ തത്വങ്ങളെ പ്രതിഫലിപ്പിക്കുന്നതെങ്ങനേയെന്നും സംസ്കാരവും ആധുനിക ശാസ്ത്രവും തമ്മിലുള്ള വിടവ് നികത്തുന്നതെങ്ങനെയെന്നും ഗീത ഭട്ട് വിശദീകരിച്ചു.
ഭാരതത്തിന്റെ വേരുകൾ വീണ്ടും കണ്ടെത്തേണ്ടതിന്റെയും അതിന്റെ സമാനതകളില്ലാത്ത പാരമ്പര്യം ഉൾക്കൊള്ളുന്നതിന്റെയും പ്രാധാന്യം എബിആർഎസ്എമ്മിന്റെ അഖിലേന്ത്യാ ജോയിന്റ് ഓർഗനൈസിംഗ് സെക്രട്ടറി ജി. ലക്ഷ്മൺ അവതരിപ്പിച്ചു. വിദ്യാബോധനത്തിനുള്ള കേരളത്തിന്റെ സംഭാവനകളെ അദ്ദേഹം പ്രശംസിക്കുകയും ഒരു അധ്യാപക സംഘടന എന്ന നിലയിലും പ്രത്യയശാസ്ത്ര പ്രസ്ഥാനമെന്ന നിലയിലും എബിആർഎസ്എമ്മിന്റെ പങ്ക് ഊന്നിപ്പറയുകയും ചെയ്തു.
2047ഓടെ ഭാരതത്തെ ഒരു വികസിത രാഷ്ട്രമായി ഉയർത്താനുള്ള സർക്കാർ ദൃഷ്ടികോണം ഊന്നിപ്പറഞ്ഞുകൊണ്ട് ആർജിസിബി ഡയറക്ടർ പ്രൊഫ. ചന്ദ്രഭാസ് നാരായൺ സ്വാഗത പ്രസംഗം നടത്തി. 2047ഓടെ ഭാരതത്തെ ഒരു വികസിത രാഷ്ട്രമായി ഉയർത്താനുള്ള സർക്കാരിന്റെ ദൃഷ്ടികോണം ഊന്നിപ്പറഞ്ഞുകൊണ്ട് ആർജിസിബി ഡയറക്ടർ പ്രൊഫ. ചന്ദ്രഭാസ് നാരായൺ സ്വാഗത പ്രസംഗം നടത്തി. കൺവീനർ ഡോ. ലക്ഷ്മി വിജയൻ സെമിനാറിനെക്കുറിച്ച് വിശദീകരിച്ചു. ഡോ. വിനോദ് കുമാർ ടി.ജി നന്ദി പറഞ്ഞു.
