ലക്നൗ : ഉത്തർപ്രദേശിലെ പ്രയാഗ്രാജിൽ നടക്കുന്ന മഹാകുംഭമേളയിൽ നേരെ തീവ്രവാദി ആക്രമണം നടത്തുമെന്ന് ഭീഷണി മുഴക്കിയ റഷ്യൻ പൗരൻ അറസ്റ്റിൽ . ജനുവരി 13ന് നടക്കുന്ന സ്ഫോടനത്തിൽ ആയിരം പേരെങ്കിലും കൊല്ലപ്പെടുമെന്നായിരുന്നു റഷ്യൻ പൗരൻ ആൻഡ്രെ പോഫ്കോഫിന്റെ ഭീഷണി .
ഭീകരാക്രമണ ഭീഷണി സംബന്ധിച്ച് കോട്വാലി പൊലീസും, സൈബർ സെൽ സംഘവും അന്വേഷണം ആരംഭിച്ചിരുന്നു. ഇതിനിടെ ഭീഷണിയുമായി ബന്ധപ്പെട്ട പോസ്റ്റും അപ്രത്യക്ഷമായി . എങ്കിലും ഏറെ ശ്രമപ്പെട്ട് ഐ പി അഡ്രസും മറ്റും കണ്ടെത്തിയതോടെയാണ് റഷ്യൻ പൗരൻ കുടുങ്ങിയത് .
വിസ കാലാവധി കഴിഞ്ഞിട്ടും ഇന്ത്യയിൽ കഴിയുകയായിരുന്നു. സെക്ടർ നമ്പർ 15ൽ സ്ഥിതി ചെയ്യുന്ന ഭക്തരുടെ ക്യാമ്പിലാണ് താമസിച്ചിരുന്നത്. നിലവിൽ ഇയാളെ ഡൽഹി ഇമിഗ്രേഷൻ ബ്യൂറോയ്ക്ക് കൈമാറി.
