ഇടുക്കി : കട്ടപ്പനയിലെ സഹകരണ സൊസൈറ്റിയിലെ നിക്ഷേപകന്‍ സാബു തോമസിന്റെ ആത്മഹത്യയില്‍ സിപിഎമ്മിനെ കുറ്റപ്പെടുത്തി സിപിഐ നേതാവ് കെ കെ ശിവരാമന്‍.സംഭവത്തില്‍ സി പി എം നേതാവ് എംഎം മണിയുടെ പ്രസ്താവന സാബുവിനെ വീണ്ടും വീണ്ടും കൊല്ലുന്നുവെന്ന് കെ കെ ശിവരാമന്‍ സാമൂഹ്യമാധ്യമത്തില്‍ കുറിച്ചു.
മര്യാദകേടിന് പരിധിയുണ്ട്.നിവൃത്തികേടുകൊണ്ട് ആത്മഹത്യ ചെയ്ത സാബു തോമസിനെ വെറുതെ വിടണമെന്നും കെ കെ ശിവരാമന്‍ പറയുന്നു. സാബു തോമസ് ശവക്കല്ലറയില്‍ ശാന്തമായി ഉറങ്ങട്ടെ,സാബുവിന്റെ കുടുംബത്തെ വേട്ടയാടുന്ന ക്രൂരത എങ്കിലും അവസാനിപ്പിക്കണമെന്ന് അദ്ദേഹം ആവശ്യപ്പെട്ടു.
സിപിഎം ഭരിക്കുന്ന ബാങ്കില്‍ സാബു പണം നിക്ഷേപിച്ചത് നഷ്ടപ്പെടും എന്നോര്‍ത്തല്ലെന്ന് ശിവരാമന്‍ ചൂണ്ടിക്കാട്ടി. പണം മടക്കി ചോദിക്കുമ്പോള്‍ ഭീഷണിപ്പെടുത്തുകയോ അപമാനിക്കുകയോ അല്ല ചെയ്യേണ്ടത്.ഭരണസമിതിയുടെയും പ്രസ്ഥാനത്തിന്റെയും പക്വതയില്ലാത്ത പെരുമാറ്റമാണ് സാബു തോമസിനെ ആത്മഹത്യയിലേക്ക് തള്ളിവിട്ടത്.
പ്രതികരിക്കാൻ ഇവിടെ എഴുതുക