ന്യൂദല്ഹി : പാര്ലമെന്റ് മന്ദിരത്തിനു മുന്നില് ദേഹത്ത് തീകൊളുത്തി ജീവനൊടുക്കാന് യുവാവിന്റെ ശ്രമം. ഇയാളെ പോലീസെത്തി ആശുപത്രിയില് പ്രവേശിപ്പിച്ചു.
മുപ്പത് വയസ് തോന്നിക്കുന്ന യുവാവാണ് ആത്മഹത്യക്ക് ശ്രമിച്ചത്. ഇന്ന് വൈകീട്ട് നാലോടെയാണ് സംഭവം. പുതിയ പാര്ലമെന്റ് മന്ദിരത്തിനു മുന്നിലെ റോഡിലെത്തിയ യുവാവ് ആത്മഹത്യാക്കുറിപ്പ് എഴുതിവെച്ച ശേഷം സ്വയം തീകൊളുത്തുകയായിരുന്നു.
ഇയാള്ക്ക് ഗുരുതരമായി പൊള്ളലേറ്റിട്ടുണ്ടെന്നാണ് വിവരം. ഫോറന്സിക് സംഘവും പോലീസും സ്ഥലത്ത് പരിശോധന നടത്തി. ഇയാളുടെ ബാഗ് സംഭവസ്ഥലത്ത് നിന്ന് കണ്ടെത്തിയിട്ടുണ്ട്.
